20.03.2026 | 13:20
Կարպինը հայտնել է՝ ինչու Արսեն Զախարյանին չի հրավիրել Ռուսաստանի հավաքական
Այս պահին քննարկումներ չունենք, որ բարձրացնելու ենք կենսաթոշակային տարիքը․ Նարեկ Մկրտչյան․ ՏԵՍԱՆՅՈՒԹ
Հասարակություն
06.06.2025 | 17:54
ԱԺ համատեղ հանձնաժողովների նիստում 2024 թվականի պետբյուջեի կատարման նախնական քննարկումների ժամանակ աշխատանքի և սոցիալական հարցերի նախարարը հայտնեց, որ Հայաստանում կենսաթոշակների բարձրացման քաղաքականությունը կառավարությունը նախատեսում է իրականացնել հետվճարային մեխանիզմի ընդլայնմամբ։ Նարեկ Մկրտչյանն ասաց․
«Մենք այսպիսի մի մոտեցում ունենք։ Նախ՝ կառավարության ծրագրով սահմանված պարենային զամբյուղի և նվազագույն կենսաթոշակի հարաբերակցությունը 9,3 տոկոսով գերազանցում է՝ չհաշվարկած նաև անկանխիկ վճարումների դեպքում հետվճարային համակարգը։ Հետվճարի տոկոսը 10-ից արդեն բարձրացվել է մինչև 12 տոկոս»,- մանրամասնեց նախարարը։
Ինչ վերաբերում է կենսաթոշակային տարիքի բարձրացմանը՝ Նարեկ Մկրտչյանը հայտնեց, որ այս պահին կենսաթոշակային տարիքը բարձրացնելու քննարկումներ չունեն, բայց արդեն իսկ շրջանառության դրած փաթեթ կա, որ հնարավորություն է տալիս քաղաքացուն կամավոր հետաձգել կենսաթոշակ ստանալու հնարավորությունը։
Մանրամասները՝ տեսանյութում։
Մանյա Պողոսյան
