05.04.2026 | 21:21
Բախվել են VAZ և KIA մակնիշների ավտոմեքենաները․ կան տուժածներ և զոհ
«Կրթվելը նորաձև է» ծրագրի ծախսերն իրականացվում են վարչապետի աշխատակազմի միջոցներով. Հարությունյան․ ՏԵՍԱՆՅՈՒԹ
Տնտեսություն
06.06.2025 | 11:31
«Կրթվելը նորաձև է» ծրագրի ծախսերն իրականացվում են վարչապետի աշխատակազմի միջոցներով։ Այս մասին ԱԺ մշտական հանձնաժողովների համատեղ նիստում «ՀՀ 2024 թվականի պետական բյուջեի կատարման մասին» տարեկան հաշվետվության նախնական քննարկման ժամանակ հայտարարեց վարչապետի աշխատակազմի ղեկավար Արայիկ Հարությունայնը՝ պատասխանելով անկախ պատգամավոր Գեղամ Նազարյանի հարցին՝ արդյոք «Կրթվելը նորաձև է» ծրագիրն իրականացվում է պետբյուջեի՞ հաշվին, թե՞ մասնավոր միջոցներով։
«Այո՛, դա վարչապետի միջոցառումն է, վարչապետի առաջնահերթ ծրագրերից մեկը, որն իրականացվում է աշխատակազմի միջոցներով»,- պատասխանեց Հարությունյանը։
Նշենք, որ վարչապետ Նիկոլ Փաշինյանը կնոջ հետ կրթարշավ է սկսել։ Կրթությունը դարձնել հանրային-հասարակական կյանքի թիվ մեկ թրենդը՝ անձամբ կրթվելով և մթնոլորտը փոխելով այնպես, որ դա դառնա նորաձև․ այսպիսի նպատակ ունի «Կրթվելը նորաձև է» նախաձեռնությունը, որն «Իմ Քայլը» հիմնադրամինն է։ Կրթարշավը ղեկավարում է Աննա Հակոբյանը, Փաշինյանն էլ պարբերաբար հանդես է գալիս բանախոսություններով։ Աննա Հակոբյանը 2025 թվականը հայտարարել է կրթվելու տարի։ Կրթարշավի շրջանակներում անցկացվում են հանդիպումներ, դասընթացներ, բանախոսություններ մայրաքաղաքում և մարզերում։
Մանրամասները՝ տեսանյութում։
Մանյա Պողոսյան
