Օգնե՛ք մեզ․ Թրամփը տարբեր երկրներից ներգաղթյալների, այդ թվում՝ հայ կանանց ու երեխաների, Կոստա Ռիկա է արտաքսել․ ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Այս տարվա փետրվարին ԱՄՆ նախագահ Դոնալդ Թրամփի նախաձեռնությամբ 200 հոգուց բաղկացած մի խումբ ներգաղթյալներ արտաքսվել են Կոստա Ռիկա։ Իսպանալեզու լրատվամիջոցների հաղորդմամբ՝ Կոստա Ռիկան ընդունել է ԱՄՆ-ից արտաքսված միգրանտների երկու ինքնաթիռ, ընդհանուր առմամբ, 200 անձի Նեպալից, Չինաստանից, Ռուսաստանից, Հնդկաստանից, Կոնգոյից, Աֆղանստանից, Հայաստանից, Ադրբեջանից, Վրաստանից, Գանայից, Իրանից, Հորդանանից, Ղազախստանից, Թուրքիայից, Ուզբեկստանից և Վիետնամից։

Հաղորդվում է, որ արտաքսված 200 միգրանտներից միայն 16 չինացիներն են ապաստան խնդրել, ևս 84 մարդ արդեն վերադարձել է իրենց երկրներ, 94-ը դեռևս ապաստարանում են։

Կոստա Ռիկայի կառավարությունը հայտնել է, որ ԱՄՆ Պետքարտուղարությունը ֆինանսական աջակցություն է ցուցաբերում Միգրացիայի միջազգային կազմակերպությանը մարդասիրական օգնություն և խնամք տրամադրելու համար։ Միաժամանակ, CATEM ապաստարանի պայմանները, որը գտնվում է Կորեդորես քաղաքում՝ Պանամայի հետ սահմանի մոտ, քննադատության են արժանացել իրավապաշտպան կազմակերպությունների, այդ թվում՝ Human Rights Watch-ի, ինչպես նաև օրենսդիրների կողմից:

Լրատվամիջոցներն այցելել են Միգրանտների ժամանակավոր պահման կենտրոն (CATEM)։ Հաղորդվում է, որ փետրվարի վերջին երկու թռիչքով ԱՄՆ-ից արտաքսված 200 անձանցից 110-ը դեռևս մնում է այնտեղ։

Մինչ այժմ վեց մարդ փախել է ճամբարից առանց թույլտվության կամ փաստաթղթերի, հայտնել է Կոստա Ռիկայի ներքին գործերի և ոստիկանության փոխնախարար Օմեր Բադիլլան։ Նա նշել է, որ երկիրն արտաքսվածներին առաջարկում է չորս տարբերակ՝ հայրենադարձություն ծագման երկրներ, ապաստան փնտրել Կոստա Ռիկայում, պաշտոնապես փաստաթղթավորել գործը՝ այլ երկրում ապաստան ստանալու համար կամ մնալ կենտրոնում անորոշ ժամանակով՝ մինչ  որոշում են կայացնում։ Պաշտոնյան ասել է, որ քանի դեռ նրանք պաշտոնապես չեն ընտրել տարբերակներից մեկը, Կոստա Ռիկան չի վերադարձնի նրանց անձնագրերն ու նույնականացման քարտերը։

Երկու հայուհիներ Telemundo-ին պատմել են, որ մեկնել են Միացյալ Նահանգներ՝ վերամիավորվելու իրենց ամուսինների և երեխաների հետ, սակայն հիմա իրենց ընտանիքները բաժանված են։

42-ամյա Գոհար Թոփլաքալցյանն ասել է, որ իր ամուսինն ու 13-ամյա որդին ավելի քան մեկ տարի է՝ Կալիֆորնիայում են և սպասում են իրենց ապաստանի դիմումի լուծմանը: Նա Միացյալ Նահանգներ է մեկնել այս տարվա սկզբին երկու մյուս մանկահասակ երեխաների հետ, սակայն իշխանությունները նրանց հնարավորություն չեն տվել ներկայացնել իրենց գործը:

«Մեզ խաբեցին սահմանին: Ասացին, որ մեզ կուղարկեն Արիզոնա՝ մեկ այլ սահմանային անցակետ, բայց մեզ ու մեր երեխաներին նստեցրին ռազմական ինքնաթիռ գիշերը ժամը 3-ին, զինվորները՝ զենքերը ձեռքին: Երեխաները վախեցան: Իսկ Արիզոնայից մեզ ուղարկեցին Կոստա Ռիկա»,- պատմել է կինը։

Կարինե Ավետյանն էլ  իր երկու՝ 8 և 12 տարեկան երեխաների հետ սահմանը հատել է Մեքսիկայից հունվարի 22-ին՝ Թրամփի երդմնակալությունից երկու օր անց։ Նա փորձել է վերամիավորվել ամուսնու հետ։ Մոտ մեկ ամիս կալանքից հետո նրանք փետրվարի 20-ին ուղարկվել են Կոստա Ռիկա:

«Մեր կամքին հակառակ՝ մեզ նստեցրին ինքնաթիռ և ապօրինի բերեցին Կոստա Ռիկա, երեխաներս հիվանդանում են շոգից ու մոծակների խայթոցից։ Մենք նրանցից քաղաքական ապաստան չենք խնդրել, ես դա խնդրել եմ Միացյալ Նահանգներից։ Իմ երկու երեխաներն իրենց հոր բացակայության պատճառով հոգեպես շատ վատ վիճակում են, խնդրում եմ, օգնե՛ք մեզ»,- պատմել է կինը՝ նշելով, որ կսպասի այնքան ժամանակ, որքան կպահանջվի ԱՄՆ հասնելու համար։

Թարգմանությունը՝ Էմմա Չոբանյանի