05.04.2025 | 17:27
Ինչ իրավիճակ է ՀՀ ճանապարհներին և Լարսի անցակետում
Արցախի դրոշի սկանդալի ֆոնին՝ Գերմանիայի նախագահն այցով Ադրբեջանում է
Քաղաքականություն
02.04.2025 | 10:42
Գերմանիայի նախագահ Ֆրանկ-Վալտեր Շտայնմայերը պաշտոնական այցով ապրիլի 1-ի երեկոյան ժամանել է Ադրբեջան։ Տեղական լրատվամիջոցների հաղորդմամբ՝ օդանավակայանում նրան դիմավորել են Ադրբեջանի առաջին փոխվարչապետ Յակուբ Էյուբովը, արտաքին գործերի փոխնախարար Ֆարիզ Ռզաևը, պաշտոնատար այլ անձինք։
Այսօր արդեն Շտայնմայերն այցելել է Բաքվի «Շեհիդների պուրակ»։
Ըստ ադրբեջանական աղբյուրների՝ այժմ ընթանում է Ադրբեջանի նախագահ Իլհամ Ալիևի և Ֆրանկ-Վալտեր Շտայնմայերի հանդիպումը։
Հավելենք, որ Հայաստանում գտնվելու ընթացքում Գերմանիայի նախագահը սոցցանցում Արցախի դրոշով հրապարակում էր արել, որն առաջացրել էր Բաքվի դժգոհությունը։ Ադրբեջանի ԱԳՆ էր կանչվել երկրում Գերմանիայի դեսպանը, նրան խիստ բողոք էր հայտնվել ու հրապարակային ներողություն պահանջ ներկայացվել։ Ադրբեջանական իշխանամերձ աղբյուրներն էլ հայտարարել էին, որ ներողություն չխնդրելու դեպքում Գերմանիայի նախագահի Բաքու այցի նպատակահարմարությունը կասկածի տակ է դրվում։
Ի վերջո, Գերմանիայի նախագահականը ներողություն էր խնդրել։
Թարգմանությունը՝ Էմմա Չոբանյանի
