03.04.2026 | 13:35
Պետրոս Ղազարյանի հաղորդման 217 թողարկումներից 136-ին միայն ՔՊ-ից են հրավիրվել. փաստաբան․ ՏԵՍԱՆՅՈՒԹ
Որքա՞ն կարժենար 18 մլն դոլարով վաճառված ոսկին այսօր. ՀՀ ոսկու պաշարների զրոյացման 20-ամյակը. ՏԵՍԱՆՅՈՒԹ
Քաղաքականություն
13.01.2025 | 20:00
2024 թվականին Հայաստանի համախառն միջազգային պահուստների ծավալը կազմել է 3 մլրդ 668․1 մլն ԱՄՆ դոլար։ ՀՀ կենտրոնական բանկի հրապարակած տվյալների համաձայն՝ անցած տարվա ընթացքում միջազգային պահուստների ծավալն ավելացել է մոտ 1,6%-ով։
Պահուստների հիմնական մասը՝ 3 մլրդ 666 մլն դոլարը, արտարժութային ակտիվներ են, 2 մլն դոլարը հատուկ փոխառության իրավունք է ԱՄՀ-ում։
Նկատենք, որ 2024 թվականին լրացել է 20 տարին, ինչ Հայաստանի միջազգային պահուստներում ոսկի չկա․ ԿԲ-ի 1.6 տոննա ոսկին վաճառվել է 2004 թվականին՝ ընդամենը շուրջ 18 մլն դոլարով։ Այդ ժամանակ ԿԲ նախագահը Տիգրան Սարգսյանն էր:
Պատասխանատուները պնդում էին, թե ոսկին, որպես պահուստային ակտիվ, «երկարաժամկետ կտրվածքով քիչ հուսալի է և եկամտաբերություն չի ապահովում»։
Ներկայում ոսկու 1 գրամն արժե 86․1 դոլար, այսինքն՝ 1.6 տոննա ոսկին կարժենար 137 մլն դոլար՝ 119 մլն դոլարով ավելի, քան վաճառվել է 2004-ին:
2016 թվականին ԿԲ ղեկավարությունը քննարկում էր Հայաստանի միջազգային պահուստներում ոսկու պաշարների վերականգնման հարցը, իսկ 2017 թվականին ԿԲ նախագահ Արթուր Ջավադյանը հայտարարել էր, թե Հայաստանում կառուցվում է ոսկու աֆինաժի գործարան, որտեղ կարտադրվեն բանկային ձուլակտորներ։ Այս միտքը Ջավադյանը կրկնել է նաև 2019-ին՝ Ազգային Ժողովում բյուջեի քննարկումների ժամանակ։ Մինչ օրս, սակայն, ոսկու աֆինաժի գործարան մեր երկրում չի գործում։
Գայանե Խաչատրյան
