22.06.2026 | 18:02
4-5 հոգի վարի է գնացել այդ խողովակի պատճառով. 6 տարեկան մի տղա էլ է ընկել, խեղդվել. վանաձորցի
Հունգարիան լրտեսել է ԵՄ պատվիրակությունների անդամներին
Քաղաքականություն
06.12.2024 | 18:09
Հունգարիայի հատուկ ծառայությունները կարող էին զբաղվել ԵՄ պաշտոնատար անձանց ապօրինի լրտեսությամբ, երբ վեչջիններն այցելել են երկիր։ Այս մասին ասվում է բելգիական De Tijd և հունգարական Direkt36 պարբերականների հետաքննության մեջ։
Դրա համաձայն՝ Հունգարիայի տեղեկատվական գրասենյակի (IH) աշխատակիցները հետևել են Եվրոպական խարդախությունների դեմ պայքարի գրասենյակի (OLAF) ներկայացուցիչներին: Հունգարիայի հետախուզական ծառայությունների գործունեությունն ընդգրկում է 2015-2017 թվականները, երբ OLAF-ի աշխատակիցները հետաքննում էին վարչապետ Վիկտոր Օրբանի հետ կապված ընկերությունների գործունեությունը:
Լրագրողները նշում են, որ Հունգարիայի հետախուզական ծառայությունները կարող էին լրտեսել այնպիսի մեթոդներով, ինչպիսիք են ԵՄ պատվիրակների հյուրանոցային համարների խուզարկությունները, նոութբուքների կոտրումը, հեռախոսազրույցների գաղտնալսումը, ավտոմեքենաներով ուղևորությունների ժամանակ պաշտոնատար անձանց ֆիզիական հետապնդումը։
Վարչապետի գրասենյակի մամուլի ծառայության ղեկավար Բերտալան Խավասին, Politico-ի հարցմանն ի պատասխան, հայտարարել է․ «Մենք թքած ունենք կեղծ լուրերի վրա»։
Հունգարիան նախկինում մեղադրվել է լրագրողների, ակտիվիստների և ընդդիմադիր գործիչների հեռախոսները կոտրելու մեջ։
2021 թվականին Հունգարիայի կառավարությունը խոստովանել է, որ գնել է իսրայելական Pegasus լրտեսող ծրագիրը՝ հիշեցնելով, որ հոկտեմբերին Հունգարիայի վարչապետ Վիկտոր Օրբանը մեղադրել էր ԵՄ-ին իր կառավարությունը տապալելու փորձերի մեջ։ Նոյեմբերին Հունգարիան հայտարարեց հաքերային հարձակման մասին իր ռազմական գնումների գործակալության վրա։
Թարգմանությունը՝ Տաթև Ֆռանգյանի
