30.04.2026 | 14:02
Զելենսկին արձագանքել է Պուտինի՝ մայիսի 9-ի հրադադարի առաջարկին
Ադրբեջանական SOCAR-ը վաճառել է Թուրքիայի գազաբաշխման իր 2 խոշորագույն ընկերությունները
Քաղաքականություն
10.01.2025 | 22:13
Ադրբեջանական պետական էներգետիկ հսկան և Թուրքիայի խոշորագույն օտարերկրյա ուղղակի ներդրողը՝ SOCAR-ը, վերջնականացրել է իր գազաբաշխիչ ընկերությունների՝ Bursagaz-ի և Kayserigaz-ի վաճառքը մեկ այլ էներգետիկ հսկայի՝ թուրքական Aksa Natural Gas-ին, գրում է Turkiye today-ը։
2019 թվականից SOCAR Türkiye-ի հովանու ներքո գործող Bursagaz-ը և Kayserigaz-ը բնական գազի բաշխման ծառայություններ են մատուցում Բուրսայում և Կայսերիում գտնվող շուրջ 2 միլիոն բաժանորդների:
Մոտավորապես 1,2 միլիոն բաժանորդներով և 7000 կիլոմետրը (4349,6 մղոն) գերազանցող խողովակաշարային ցանցով Bursagaz-ը Թուրքիայի չորրորդ խոշորագույն բնական գազի բաշխիչ ընկերությունն է՝ վերջնական սպառողական գազի վաճառքի առումով: Մինչդեռ Kayserigaz-ը, որն ունի ավելի քան 7000 կիլոմետր ցանց, բնական գազ է մատակարարում 700,000 բաժանորդների:
Հավելենք, որ օրերս էլ SOCAR-ի Թուրքիայի մասնաճյուղի վերամշակման և նավթաքիմիական ստորաբաժանման ղեկավար Քանան Միրզաևը հայտարարել էր, որ ընկերությունը նախատեսում է շուրջ 7 միլիարդ դոլար ծախսել պոլիոլեֆինի արտադրության մի քանի նոր գործարաններ հիմնելու համար՝ իր Petkim ստորաբաժանման հզորությունն ընդլայնելու նպատակով։
Թարգմանությունը՝ Էմմա Չոբանյանի
