06.06.2026 | 22:18
Երկրաշարժ Սպիտակ քաղաքից 11 կմ հարավ-արևելք
Լեհաստանը նպատակ ունի աջակցել Երևանի և Բաքվի միջև հարաբերությունների կարգավորմանը ԵՄ Խորհրդում նախագահության ընթացքում
Քաղաքականություն
10.01.2025 | 19:41
2025 թվականին ԵՄ Խորհրդում Լեհաստանի նախագահությունը, ի թիվս այլ բաների, ուղղված է լինելու Բաքվի և Երևանի միջև հարաբերությունների կարգավորմանն ու Հարավային Կովկասի տարածաշրջանում իրավիճակի կայունացմանը։ Այս մասին հայտնել է Լեհաստանի արտաքին գործերի նախարարությունը՝ ի պատասխան ադրբեջանական Report գործակալության հարցման։
«ԵՄ-ն կշարունակի աջակցել Ադրբեջանի և Հայաստանի միջև հարաբերությունների կարգավորմանը Լեհաստանի նախագահության ընթացքում։ Մենք աջակցում ենք բոլոր գործողություններին, որոնք ուղղված են կայուն խաղաղությանը հասնելուն։ ԵՄ-ի դերը խաղաղության գործընթացում շատ կարևոր է և պետք է շարունակվի։ Մենք կցանկանայինք ընդգծել այն հնարավորությունները, որոնք դա ստեղծում է Հարավային Կովկասի տարածաշրջանի և ԵՄ-ի, մեր երկրի միջև համագործակցության համար»,- նշել են ԱԳՆ-ից։
Գերատեսչությունը հավելել է, որ Ադրբեջանի և Հայաստանի միջև հարաբերությունների կարգավորումը թույլ կտա տարածաշրջանին զարգացնել և լուծել հրատապ հումանիտար խնդիրները, անհետ կորածների խնդիրը, ականազերծման խնդիրները և պատմամշակութային արժեքների պահպանումը։
Նշվել է նաև, որ Լեհաստանն աջակցում է ինչպես Ադրբեջանի, այնպես էլ Հայաստանի տարածքային ամբողջականությանը։ Գերատեսչությունից նաև վստահություն են հայտնել, որ կողմերի միջև մնացած բոլոր չլուծված հարցերը կարող են լուծվել դիվանագիտական ճանապարհով։
Թարգմանությունը՝ Էմմա Չոբանյանի
