19.12.2025 | 12:45
Լավագույն հոդված՝ բնապահպանական թեմաներով․ Factor.am-ն արժանացել է մրցանակի
Նիկոլաս Մադուրոն երրորդ անգամ ստանձնել է Վենեսուելայի նախագահի պաշտոնը
10.01.2025 | 20:13
Նիկոլաս Մադուրոն երրորդ անգամ ստանձնել է Վենեսուելայի նախագահի պաշտոնը: «Արմենպրես»-ի հաղորդմամբ՝ երդմնակալության հանդիսավոր արարողությունը տեղի է ունեցել հունվարի 10-ին Կարակասում ՝ դաշնային օրենսդիր պալատում: Վենեսուելայում ընտրությունները տեղի են ունեցել 2024 թվականի հուլիսի 28-ին:
Միասնական սոցիալիստական կուսակցության թեկնածու Մադուրոն ստացել էր ձայների 51 տոկոսը: Նրա գլխավոր մրցակից, ընդդիմության միացյալ թեկնածու, նախկին դիվանագետ Էդմունդո Գոնսալեսը հավաքել է ձայների 43 տոկոսը։ Լատինական Ամերիկայի ինը պետություն՝ Արգենտինան, Կոստա Ռիկան, Էկվադորը, Գվատեմալան, Պանաման, Պարագվայը, Պերուն, Դոմինիկյան Հանրապետությունը և Ուրուգվայը, կոչ են արել անկախ դիտորդների ներկայությամբ վերանայել քվեարկության արդյունքները: ԱՄՆ-ը նույնպես կասկածի տակ է դրել ընտրությունների արդյունքները և պատժամիջոցներ է սահմանել Վենեսուելայի պաշտոնյաների դեմ։
