14.07.2026 | 23:29
Հանրապետության որոշ հասցեներում էլեկտրամատակարարումը կդադարեցվի
Ո՛չ ՌԴ-ն, ո՛չ Արևմուտքը չեն կարող միջնորդ լինել․ ՀՀ-ի և Ադրբեջանի միջև երկկողմ ձևաչափն է գործում․ Միքայել Զոլյան․ ՏԵՍԱՆՅՈՒԹ
Քաղաքականություն
08.10.2024 | 22:00
Եթե խոսենք այն մասին՝ կկարողանա՞, արդյոք, Ռուսաստանը վերադարձնել հայ-ադրբեջանական բանակցային գործընթացում միջնորդի դերը, պատասխանն է՝ ոչ։ ՌԴ-ի համար այդ դերն անհնար է դարձել, հիմնական, 2023 թվականի իրադարձություններից հետո։ Նույնիսկ Արևմուտքի համար այս փուլում միջնորդի դերն անհնար է։ Ադրբեջանը համաձայն է միայն երկկողմ ձևաչափին։ Եթե նույնիսկ որոշակի արդյունքներ ձեռք են բերվել, ապա միայն երկկողմ շփումների արդյունքում, Factor TV-ին տված հարցազրույցում ասում է քաղաքագետ Միքայել Զոլյանը։
«Կարծում եմ, որ և՛ Մոսկվայում, և՛ Բրյուսելում, և՛ Վաշինգտոնում ընդհանուր ըմբռնում կա, որ համեմատաբար մոտ ապագայում համաձայնություն ձեռք կբերվի Ուկրաինայում հրադադարի և Ռուսաստանի ու Արևմուտքի միջև հրադադարի մասին։ Եվ ինձ թվում է, որ ՌԴ-ն փորձում է ուժեղացնել իր ազդեցությունն այդ բանակցություններում։ Արդյո՞ք կհաջողվի՝ դժվար է ասել, բայց հայ-ադրբեջանական գործընթացում նման միջնորդությունը քիչ հավանական է»,- նշում է նա։
Քաղաքագետի կարծիքով՝ մինչև ԱՄՆ-ի ընտրությունները պետք չէ խաղաղության պայմանագրի ստորագրում ակնկալել, բայց Քամալա Հարիսի հաղթանակի դեպքում կարելի է համարել, որ խաղաղության պայմանագրի ռազմավարական ճակատագիրը լուծված է։
Հարցազրույցն ամբողջությամբ՝ տեսանյութում։
Սամվել Մելիքսեթյան
