15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Չպետք է Լարսի փակումը բացառել․ պահելով ՌԴ-ի շուկան՝ մեծացնել դեպի ԵՄ արտահանումը․ Հայկ Գևորգյան. ՏԵՍԱՆՅՈՒԹ
Քաղաքականություն
11.09.2024 | 20:15
Հայաստանի կառավարությունը տնտեսության դիվերսիֆիկացիան հայտարարել է առաջնահերթություն, որի իմաստ պետք է այն լիներ, որ ՀՀ-ն կազատվի ՌԴ-ից տնտեսական կախվածությունից։ Սակայն արտահանման կեսը դեպխի ՌԴ է, և ավելանում է։ Իսկ դեպի ԵՄ արտահանումը 3․5% է ընդամենը՝ այս տարվա առաջին կիսամյակի կտրվածքով։ Միաժամանակ, ՌԴ-ն պարբերաբար վնասատուներ է գտնում հայկական գյուղմթերքի մեջ, պարզվում է՝ իբր թե Ջերմուկից մարդ է մահացել, Լարսում են արտահանողները խնդիրներ ունենում, հրապարակում է լինում, որ հայկական կոնյակի մեծ մասը անորակ է։ Այսինքն, պայմանական ասած՝ Լարսի փակման սցենարը բացառված չէ։ ՀՀ-ԵՄ համաձայնագրով՝ նախատեսված են աշխատանքներ հայկական արտադրության ապրանքները Եվրոպական միության ստանդարտներին համապատասխանեցնելու վերաբերյալ։ Սա նաև քաղաքական նշանակություն ունի, որպեսզի ՌԴ-ի կողմից տոտալ արգելքների դեպքում՝ հնարավոր լինի ապրանքները ուղղորդել Եվրամիություն։ Էկոնոմիկայի նախկին նախարարն ասում էր՝ 3000 ընկերություն արդիականացրել է սարքավորումները։ ԵՄ-ի հետ ստեղծում ենք լաբորատորիաներ՝ ՀՀ-ից սերտիֆիկացված ապրանքը առանց խոչընդոտների կգնա Եվրոպա։
ԱԺ նախկին պատգամավոր, տնտեսական մեկնաբան Հայկ Գևորգյանը, Factor TV-ի հետ զրույցում անդրադառնալով դիվերսիֆիկացիայի ներկա պրոցեսներին, ասաց, թե ինչպես է դա պատկերացնում․
«ՌԴ-ի հետ առևտուրը աճում է, քանի որ մեր տնտեսության թողարկած արդյունքը հասկանալի է իրեն, նույնքանով՝ ընկալելի չէ ԵՄ շուկային։ Պրիմիտիվ մոտեցում է, թե վարչապետը պիտի գնա ԵՄ, և համոզի, որ մեր ապրանքները գնեն․ դիվեսրիֆիկացիան 3 պահանջ ունի։ Եթե ուզում ենք ԵՄ արտահանման ապրանք ստանալ, պետք է ապահովվի որակ, ցածր գին, քանակ։ Թյուր կարծիք է, թե ԵՄ-ն արհեստականորեն խոչընդոտում է ՀՀ ապրանքների արտահանմանը․ չկա՛ այդպիսի բան։ Եթե ուզում ենք մեր «իմիամբայալդիով» ԵՄ շուկա դուրս գալ, դա անհնար է․ եվրոպական շուկայում չգիտեն՝ ինչ է բադրիջանի խավիարը։ Լարսի փակումը չբացառե՛լ ոչ մի դեպքում․ դիվերսիֆիկացնել՝ դեպի ՌԴ արտահանումը պահել, բայց՝ դեպի ԵՄ արտահանումը մեծացնել, սա է իմ պատկերացրած բանաձևը»,- ասաց Հայկ Գևորգյանը։
Հարցազրույցն ամբողջությամբ՝ տեսանյութում։
Ռոբերտ Անանյան
