23.06.2026 | 13:01
ՌԴ Սվերդլովսկի մարզում փոթորկի հետևանքով գրեթե 100 տուն է վնասվել․ 16 մարդ վիրավորվել է
50 հազար ստորագրություն․ արդյո՞ք հանրաքվեն կհարթի դեպի ԵՄ ուղին. ՏԵՍԱՆՅՈՒԹ
Քաղաքականություն
05.09.2024 | 20:51
«Ժողովրդավարական ուժերի հարթակ»-ի լիազոր ներկայացուցիչ, «Հանրապետություն» կուսակցության անդամ Արտակ Զեյնալյանն այսօր Կենտրոնական ընտրական հանձնաժողով հանձնեց ԵՄ-ին Հայաստանի անդամակցելու գործընթացի մեկնարկի մասին օրենքի նախագիծը և կից փաստաթղթերը։ ԿԸՀ-ի դրական պատասխանից հետո նախաձեռնող խումբը պետք է 60 օրվա ընթացքում 50 հազար ստորագրություն հավաքի։ Արտակ Զեյնալյանի վստահ է՝ գործընթացը սահուն կընթանա։
Եթե ԱԺ-ն չընդունի ԵՄ-ին անդամակցության հարցը հանրաքվեի դնելու մասին նախագիծը, նախաձեռնող խումբը պետք է արդեն 300 հազար ստորագրություն հավաքի։ Այդ դեպքում հանրաքվեն կանցկացվի իրավունքի ուժով։ Նախաձեռնող խմբի անդամ Տիգրան Խզմալյանն ասում է՝ պատրաստ են նաև այս սցենարին։
«Ժողովրդավարական ուժերի հարթակ»-ը ԵՄ-ին Հայաստանի անդամակցության հանրաքվեի նախաձեռնության մասին հայտարարել էր մոտ երկու ամիս առաջ։ Հունիսի 21-ին ԱԺ Եվրոպական ինտեգրման հարցերի մշտական հանձնաժողովն այս թեմայով խորհրդարանական լսումներ էր հրավիրել։ Հանձնաժողովի նախագահ Արման Եղոյանն այսօր լրագրողների հետ ճեպազրույցում նշեց, որ Կառավարությունը կարող է ցանկացած պահի էլ ԵՄ-ին անդամակցելու հայտ ուղարկել, և այն օրենքով լուծվող հարց չէ։
«Հայաստան» խմբակցության պատգամավոր Արթուր Խաչատրյանի խոսքով՝ ԵՄ-ն ապրիլի 5-ին հստակ դիրքորոշում է հայտնել, որ Հայաստանի հետ հարաբերությունները կարգավորվելու են Համապարփակ և ընդլայնված գործընկերության մասին համաձայնագրով, իսկ Հայաստանի իշխանության վարած քաղաքականությունը ռիսկային է։
Ինչո՞ւ են ԵՄ անդամակցության հարցով հանրաքվե նախաձեռնող քաղաքական ուժերը վստահ, որ մեծ մասը կողմ կքվեարկի՝ ասում է Միջազգային հարաբերությունների և անվտանգության հարցերի մասնագետ Սոսի Թաթիկյանը։ Նրա խոսքով՝ նույնիսկ կողմ քվեարկելու դեպքում ռիսկեր կան։
«Հանրաքվեի մասին» օրենքի համաձայն՝ Կենտրոնական ընտրական հանձնաժողովը 10 աշխատանքային օրվա ընթացքում գրանցում է նախաձեռնող խմբին և նախաձեռնող խմբի լիազոր ներկայացուցչին կամ մերժում է գրանցումը, եթե օրենքով սահմանված պահանջները պահպանված չեն:
Մանրամասները՝ տեսանյութում։
Անի Թամրազյան
