Քաղաքականություն
20.05.2024 | 18:22
Ենթադրություններն այն մասին, որ Իսրայելն անմիջական կապ ունի Իրանի նախագահ Էբրահիմ Ռաիսիին տեղափոխող ինքնաթիռի կործանման հետ, շահարկումներ են։ Այս մասին հաղորդում է Euronews-ը՝ նշելով, որ Իսրայելի պաշտոնատար անձինք դեռևս ոչ մի կերպ չեն մեկնաբանել այս միջադեպը։
Այնուամենայնիվ, ըստ հրապարակման, այս տեսությունն իրանցիների շրջանում լայն տարածում է գտել՝ հաշվի առնելով երկու երկրների միջև թշնամանքը: Ենթադրվում է, որ Իսրայելը նախկինում տարբեր հարձակումներ է իրականացրել Իրանի բարձրաստիճան զինվորականների վրա:
Փորձագետները կարծում են, որ Իսրայելի հարձակումը երկրի գործող նախագահի վրա քիչ հավանական է, քանի որ դա հավասարազոր կլիներ ուղիղ պատերազմական ակտի և Իրանի կողմից սուր արձագանքի կարժանանար։ Բացի այդ, Իսրայելը սովորաբար ռազմական ու միջուկային օբյեկտներ է ընտրում, այլ ոչ թե քաղաքական սպանություններ։
Նշվում է, որ ժամանակը, երբ տեղի ունեցավ ողբերգական վթարը, կարող է խորացնել լարվածությունը տարածաշրջանում։
Հիշեցնենք՝ Իրանի նախագահ Էբրահիմ Ռայիսին զոհվել է մայիսի 19-ին Արևելյան Ադրբեջան նահանգի հյուսիս-արևմուտքում գտնվող Վարզաքան շրջանում ուղղաթիռի վթարի հետևանքով: Նա Ադրբեջանի հետ սահմանին համատեղ ՀԷԿ-երի բացման արարողությունից հետո Թեհրան էր վերադառնում:
