29.05.2026 | 23:37
Երևանում կկայանա «Rise» ռազմարդյունաբերական ցուցահանդեսը. կներկայացվեն նախկինում երբևէ չցուցադրված նմուշներ
Ստամբուլում մեկ այլ եկեղեցու մզկիթի վերածելը վիրավորում է նրա բնույթը․Հունաստանի ԱԳՆ-ն՝ Թուրքիային
Քաղաքականություն
07.05.2024 | 22:38
Ստամբուլում նախկին բյուզանդական եկեղեցին մզկիթի վերածելն ու այն պաշտոնական բացելը «վիրավորում է կառույցի՝ որպես ՅՈՒՆԵՍԿՕ-ի համաշխարհային մշակութային ժառանգության հուշարձանի բնույթը»։ Այս մասին ասվում է Հունաստանի ԱԳՆ-ի տարածած հաղորդագրության մեջ, գրում է ekathimerini-ին։
Նշենք, որ Թուրքիայի նախագահ Ռեջեփ Թայիփ Էրդողանը հեռակա կարգով ղեկավարել է Չորայում գտնվող Սուրբ Ամենափրկիչ եկեղեցու բացման արարողությունը, որը թուրքերեն հայտնի է որպես Կարիյե մզկիթ:
Հունաստանի ԱԳՆ-ն նշում է, որ Թուրքիայի իշխանությունների որոշումը «մարտահրավեր է միջազգային հանրությանը»։
«Հուշարձանների համընդհանուր բնույթի պահպանումը և կրոնական ու մշակութային ժառանգության պաշտպանության միջազգային չափանիշներին համապատասխանելը հստակ միջազգային պարտավորություն է, որը պարտավորեցնում է բոլոր պետություններին»,- նշվում է հայտարարության մեջ։
Եկեղեցին, որը գտնվում է Ստամբուլի հնագույն քաղաքի պարիսպների մոտ, հայտնի է իր խճանկարներով և որմնանկարներով: Այն թվագրվում է 4-րդ դարով, թեև կառույցը ներկայիս վերջնական տեսքը ստացել է 11-12-րդ դարերում։
Կառույցը օսմանյան կայսրության ժամանակներում ծառայել է որպես մզկիթ՝ նախքան 1945 թվականին թանգարանի վերածվել:
