Որտեղ է աշխատավարձն ավելի բարձր և որքանն է ծախսվում ուտելու վրա․ Հայաստան-Վրաստան-Ադրբեջան. ՏԵՍԱՆՅՈՒԹ

Բնակչության կենսամակարդակի էական ցուցիչներից մեկը միջին աշխատավարձի և նվազագույն սպառողական զամբյուղի հարաբերակցությունն է, այսինքն՝ աշխատողները միջինում ինչքան աշխատավարձ են ստանում և ինչքան պետք է ծախսեն սննդի համար։

Դիտարկել ենք Հարավային Կովկասի երկրներում միջին աշխատավարձի չափն ու նվազագույն սպառողական զամբյուղի արժեքը։ Քանի որ Վրաստանի ազգային վիճակագրական ծառայությունը՝ «Սաքստատը», առայժմ հրապարակել է միայն 2023 թվականի առաջին կիսամյակի տվյալները, բոլոր ցուցանիշները ներկայացված են այդ ժամանակահատվածի համար։

Այսպիսով՝ միջին ամսական աշխատավարձի չափով առաջատարը Վրաստանն է, Ադրբեջանը՝ հետնապահը։

Հայաստանում միջին ամսական աշխատավարձը կազմել է մոտ 650 դոլար, իսկ նվազագույն սպառողական զամբյուղի արժեքը՝ 188 դոլար (28.9%)։

Ադրբեջանում միջին աշխատավարձը եղել է մոտ 542 դոլար, նվազագույն սպառողական զամբյուղի արժեքը, որը, ի դեպ, յուրաքանչյուր տարվա համար սահմանում է Միլլի Մեջլիսը համապատասխան օրենքով, մոտ 145 դոլար է (26.7%)։

Վրաստանում նշված ժամանակահատվածում միջին աշխատավարձը կազմել է մոտ 670 դոլար, նվազագույն սպառողական զամբյուղի արժեքը՝ 94 դոլար (14.0%)։

Neutral Elegant Interior Design Project Proposal Presentation by Factor tv

3 երկրներում նվազագույն սպառողական զամբյուղի պարունակությունները տարբեր են։

Հայաստանում զամբյուղը բաղակացած է 11 հիմնական մթերքներից՝ հացամթերք, մսամթերք, կաթնամթերք, կարտոֆիլ, բանջարեղեն, միրգ, շաքար, ձու, բուսական յուղ, մարգարին և ձուկ։

Վրաստանի զամբյուղը 40 մթերք է պարունակում, այդ թվում՝ քաղցրավենիք։

Ադրբեջանի զամբյուղի 12 հիմնական ապրանքային խմբերում ներառված են նաև ալկոհոլն ու ծխախոտը։

Գայանե Խաչատրյան