14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Հայաստանը հնդկական ZEN հակադրոնային համակարգ է գնում․The Eurasian Times․ ՏԵՍԱՆՅՈՒԹ
Տեսանյութեր
08.11.2023 | 15:00
Հնդկաստանից հրթիռահրետանային կայանքներ և հրթիռներ ներկրելուց հետո Հայաստանն այժմ հակադրոնային համակարգ է ձեռքբերում իր հարավասիական ընկերոջից, գրում է The Eurasian Times-ը։
Լրատվամիջոցի աղբյուրները, որոնք ցանկացել են անանուն մնալ, հայտնել են, որ Հայաստանը պայմանագիր է կնքել Հնդկաստանում մշակված Zen հակադրոնային համակարգ (ZADS) գնելու համար: Ըստ աղբյուրի՝ 41,5 միլիոն ԱՄՆ դոլար արժեքով պայմանագրով նախատեսված է ոչ միայն հակադրոնային համակարգերի մատակարարում, այլև օպերատորների պատրաստում։
Պաշտպանության համակարգն աշխատում է անօդաչու թռչող սարքերի հայտնաբերման, դասակարգման, հետևելու, պասիվ հսկողության, տեսախցիկի սենսորների և սպառնալիքների չեզոքացման վրա՝ հաղորդուղիների խցանման միջոցով։ Այն հնդկական ԶՈՒ-ն կիրառում է 2021 թվականից։
Zen Technologies ընկերությունը հայտարարել է, որ 2023 թվականի հոկտեմբերի 28-ին կայացած խորհրդի նիստում հավանություն է տվել Հայաստանում մասնաճյուղի ստեղծմանը:
The Eurasian Times-ը նշում է, որ Հայաստանը դարձել է Հնդկաստանի ռազմավարական գործընկերը։ 2022 թվականին երկու երկրները պայմանագրեր էին կնքել PINAKA հրթիռային կայանքներ, հակատանկային զինամթերք և 250 միլիոն ԱՄՆ դոլար արժողությամբ այլ զինամթերք մատակարարելու վերաբերյալ։ Սա Հնդկաստանի կողմից PINAKA-ի առաջին արտահանումն էր: Ըստ աղբյուրի՝ Հայաստանն ընտրել է Pinaka MBRL-ները, որոնք դիտարկվում են որպես ամերիկյան HIMAR-ների մրցակից։ Բացի այդ, թեև Հնդկաստանը հրապարակայնորեն չի հաստատել, որ Հայաստան է մատակարարում երկիր-օդ դասի Akash SAM համակարգեր, Bharat Dynamics Limited-ը (BDL) հայտարարել է, որ արտահանման պատվերներ է ստացել բարեկամ երկրից:
Հնդկաստանի հետ երկխոսությունը վերաբերում է ոչ միայն գնումներին, այլև պոտենցիալ համատեղ ձեռնարկություններին՝ սարքավորումները տեղում հավաքելուն և հայ սպաների պատրաստման համար պայմաններ ստեղծելուն:
