12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
ԲԱՆԱՎԵՃ․ ՀՀ-Ադրբեջան բանակցության ապագան․ պատերա՞զմ, թե՝ պայմանագիր․ Բրյուսելում ի՞նչ է սպասվում․ ՏԵՍԱՆՅՈՒԹ
Քաղաքականություն
06.10.2023 | 20:02
Ադրբեջանի կողմից Լեռնային Ղարաբաղի կլանումից հետո ստեղծվել է նոր ստատուս քվո։ Ալիևը չներկայացավ Գրանադա՝ Փաշինյանի, Մակրոնի, Շոլցի, Միշելի հետ հանդիպելու և բանակցելու։ Անհանգստացած Էմանուել Մակրոնի ներկայությունից՝ Ալիևն առաջարկում էր Էրդողանին ևս ներգրավել բանակցություններում։ Գերմանիան և Ֆրանսիան մերժեցին Թուրքիայի մասնակցությունը։ Հնգակողմ հանդիպումը դարձավ քառակողմ։
ԵՄ-ի, Ֆրանսիայի և Գերմանիայի ղեկավարների հայտարարությունում Լեռնային Ղարաբաղում տեղի ունեցածը բնորոշվում է զանգվածային տեղահանություն։ Նրանք ընդգծում են իրենց անսասան աջակցությունը Հայաստանի անկախությանը, ինքնիշխանությանը, տարածքային ամբողջականությանը և սահմանների անձեռնմխելիությանը։ Ընդգծեցին՝ ՀՀ-ն և Ադրբեջանը պետք է ճանաչեն միմյանց տարածքային ամբողջականությունը՝ հիմնված ՀՀ-ի (29 հազար 800 քկմ) և Ադրբեջանի (86 հազար 600 քկմ) ինքնիշխանության, սահմանների անձեռնմխելիության և տարածքային ամբողջականության սկզբունքների հիման վրա։
Գրանադայի հանդիպումը տապալելուց հետո Ադրբեջանը տեղեկացրեց՝ կողմ են Բրյուսելում հանդիպել՝ Միշել-Փաշինյան-Ալիև ձևաչափով։ ԵՄ-ն արդեն հրավիրել է Ադրբեջանին և ՀՀ-ին նման հանդիպման։
Մինչ այդ, ռուսական ՏԱՍՍ-ը հայտնել է՝ ուրբաթ Երևան կժամանի ՌԴ ՊՆ պատվիրակություն՝ քննարկելու Լեռնային Ղարաբաղից ռուսական խաղաղապահ զորախմբի դուրսբերման ժամկետները։ ՀՀ ՊՆ-ում դեռ տեղեկություն չունեն սրա մասին։
Ինչպիսի՞ն է լինելու Հայաստան-Ադրբեջան բանակցային պրոցեսն առաջիկայում։ Factor TV-ի տաղավարում հրավիրված քննարկմանը մասնակցում են ԱԺԲ խորհրդի անդամ, դիվանագետ, Արա Պապյանը, ԼՀԿ խորհրդի անդամ Դավիթ Խաժակյանը, «Հանրապետություն» կուսակցության ներկայացուցիչ Հայկ Բեջանյանը, քաղաքագետ Լիլիթ Դալաքյանը։
Մանրամասները՝ տեսանյութում։
