15.07.2026 | 00:59
ԱԱ-2026․ Իսպանիան հաղթեց Ֆրանսիային և դուրս եկավ եզրափակիչ․ ՏԵՍԱՆՅՈՒԹ
Չեմ կարծում՝ ԱՄՆ-ն կուզենա մաս կազմել էթնիկ զտումների. Արարատ Միրզոյան․ ՏԵՍԱՆՅՈՒԹ
Քաղաքականություն
22.08.2023 | 13:44
ԱՄՆ–ն չի ցանկանում Լեռնային Ղարաբաղում Ադրբեջանի կողմից իրականացվող էթնիկ զտումների մաս կազմել։ Բելգիայի Թագավորության ԱԳ նախարար Հաջա Լահբիբի հետ համատեղ մամուլի ասուլիսում այս կարծիքը հայտնեց ՀՀ արտգործնախարար Արարատ Միրզոյանը՝ անդրադառնալով այն դիտարկմանը, թե ԱՄՆ–ն խափանում է ՄԱԿ Անվտանգության խորհրդի կողմից բանաձևի ընդունման գործընթացը։
«Աշխարհը տեսնում է ԼՂ ժողովրդի նկատմամբ Ադրբեջանի կողմից իրականացվող էթնիկ զտումների քաղաքականությունը։ Չեմ կարծում, թե ԱՄՆ–ն որևէ կերպ պատրաստվում է կամ ցանկանում է մաս կազմել, նպաստել էթնիկ զտումների այդ քաղաքականությանը։ Ինձ համար դժվար կլինի դա պատկերացնելը։ Կարծում եմ և հուսով եմ, որ ԱՄՆ–ում շատ լավ հասկանում են Լեռնային Ղարաբաղում հումանիտար ճգնաժամի չափերն ու ահագնացող տեմպերը»,– ասաց ՀՀ ԱԳ նախարարը։
Նրա կարծիքով` ԱՄՆ–ում գիտակցում են, որ ՄԱԿ ԱԽ–ի հնարավոր բանաձևը կօգներ հանգուցալուծել այս իրավիճակը, որով վերջ կտրվեր ԼՂ–ում հումանիտար ճգնաժամին։
Միրզոյանն ընդգծեց, որ այդ բանաձևի շնորհիվ նաև հնարավոր կլիներ կողմերին վերադարձնել բանակցությունների օրակարգ։
Մանրամասները՝ տեսանյութում։
