16.07.2026 | 01:03
ԱԱ-2026․ Եզրափակիչում՝ Իսպանիա – Արգենտինա․ ՏԵՍԱՆՅՈՒԹ
Մեր դերն է հասնել որոշումների, այդ թվում՝ ՄԱԿ ԱԽ-ում. Սարգիս Խանդանյան․ ՏԵՍԱՆՅՈՒԹ
Քաղաքականություն
14.07.2023 | 13:18
Լեռնային Ղարաբաղում հումանիտար իրավիճակն օր օրի ավելի սարսափելի է դառնում, և այս մասին անընդհատ մեր խորհրդարանական բոլոր շփումներում խոսում ենք։ Խորհրդարանական ճեպազրույցում այս մասին նշեց ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը։
«Վերջերս Ֆրանսիայում էի և ֆրանսիացի մեր գործընկերների հետ շատ մանրամասն քննարկել ենք այս հարցը։ Կարծում եմ՝ արդեն հստակ գործողություններ են անհրաժեշտ մեր միջազգային գործընկերների կողմից և նրանց մոտ այս ընկալումը կա։
Մեր դիրքորոշումն անփոփոոխ է ԼՂ բնակիչների իրավունքների և անվտանգության պաշտպանության հարցում․ պետք է լինի երկխոսություն ԼՂ-ի հայերի ներկայացուցիչների, Ստեփանակերտի և Բաքվի միջև, քննարկվի իրավունքների և անվտանգության հարցը և որը կունենա միջազգային տեսանելիություն», – նշեց Խանդանյանը։
Պատգամավորի խոսքով՝ նոյեմբերի 9-ի եռակողմ հայտարարության դրույթները պետք է պահպանվեն և դրան է ավելացել նաև Արդարադատության միջազգային դատարանի փետրվարի որոշումը, որը վերահաստատվեց վերջերս կայացրած նոր որոշմամբ։
«Մեր դերը դիվանագիտության, նաև խորհրդարանական դիվանագիտության շնորհիվ այս հարցերը բարձրաձայնելն է, փորձել մեծացնել ճնշումն Ադրբեջանի վրա և մի շարք հրթակներում որոշումների հասնել, օրինակ՝ ՄԱԿ ԱԽ-ում, որոնք նաև գործողություններ կենթադրեն, օրինակ՝ ավելի լայն միջազգային ներկայություն ԼՂ-ում, որը երաշխավորված կպաշտպանի ԼՂ բնակչության իրավունքները», – ընդգծեց պատգամավորը։
Մանրամասները՝ տեսանյութում։
