Նրանք տապալել են տնտեսությունը․ Թուրքիայի ընտրողները հոգնել է Էրդողանից․ Financial Times

Financial Times-ը անդրադարձել է Թուրքիայում նախընտրական մրցավազքին ու հանրությանը վերաբերմունքին նախագահ Ռեջեփ Թայիփ Էրդողանի նկատմամբ։

Մասնավորապես, Թուրքիայի Քոնիա քաղաքում, որը ժամանակին հենակետ էր Էրդողանի համար, սրճարանում իր հերթափոխով աշխատող խոհարար Սելման Դևեջին ասում է․  «Ես փոփոխություն եմ ուզում։Նրանք տապալել են տնտեսությունը», – մատնանշելով գնաճն ու լիրայի կտրուկ անկումը։

Թուրքիայում շատերն են հիասթափված  Էրդողանից։ 69-ամյա Էրդողանը երկար ժամանակ կարողացել է հույսը դնել երկրի Անատոլիայի սրտում գտնվող կրոնական պահպանողական շրջանակների աջակցության վրա, ինչպիսին է Քոնիան: 2018 թվականի վերջին նախագահական ընտրություններում նրան սատարել են տեղի չորս ընտրողներից երեքը:

Սաբանջիի համալսարանի պրոֆեսոր Բերք Էսենն ասում է, որ տարբերությունն այս անգամ այն է, որ Թուրքիայի «զանգվածային տնտեսական ճգնաժամը» սնուցել է այն հանգամանքները, որոնցում «ԱԶԿ-ի բազան նվազում է»։ Սակայն ըստ նրա՝ դա պարտադիր չէ, որ վերածվի ընդդիմության ձայների։

Հիասթափության զգացումն ակնհայտ է Քոնիայում՝ 2,3 միլիոն բնակչություն ունեցող նահանգում, որը ստացել է Թուրքիայի ամբար մականունը՝ հողագործության և գյուղատնտեսական մեքենաների արտադրության պատմության շնորհիվ։

Մի ուսանողուհի, նստած քաղաքի կենտրոնում գտնվող սրճարանում, ասել է, որ իր ընտանիքը նախկինում աջակցել է նախագահին, բայց փոխել է իրենց միտքը:

«Ես այլևս չեմ սիրում Էրդողանին», -նշել է նա՝ հավելելով,որ նույնիսկ պարզ հաճույքները, ինչպիսիք են գրքեր գնելը, դժվարացել են թանկ գների պատճառով։

Էրդողանի իշխանության առաջին տարիներին Քոնիայի բնակիչները շատ ավելի բարեկեցիկ էին դարձել։ Ըստ Թուրքիայի վիճակագրական ինստիտուտի տվյալների՝ մեկ անձի հաշվով տնտեսական արտադրանքը 2004 թվականին՝ Էրդողանի վարչապետ ընտրվելուց մեկ տարի հետո, 4250 դոլարից աճել էր՝ հասնելով մինչև 9690 դոլարի՝ 2013 թվականին։ Բայց այդ ժամանակից ի վեր, մեկ շնչին ընկնող համախառն ներքին արդյունքը հետ է նվազել մինչև 7340 դոլարի։

Էմմա Չոբանան