15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Դատաիրավական բարեփոխումների համատեքստում բավականին մեծ արդյունքներ ունենք. Գալյան․ ՏԵՍԱՆՅՈՒԹ
Հասարակություն
14.01.2025 | 13:45
2024 թվականին արդարադատության նախարարությունը բավականին մեծ ծրագրեր է իրականացրել այն ուղղությունենրով, որոնք գտնվում են նախարարության ենթակայության տակ, այս մասին տարեկան ամփոփիչ ասուլիսի ժամանակ ասաց նախարար Սրբուհի Գալյանը։ Ըստ նրա՝ փոփոխություններ և լավարկումներ են կատարվել նախարարության ենթակա մարմիններում։ Արդարադատության նախարարը թվարկեց՝ բարձրացվել է դատավորների աշխատավարձը, ինչպես նաև որոշ դատարանների շենքային պայմաններն են բարելավել։ Նա միևնույն ժամանակ շեշտեց, որ այս հարցում առաջիկա տարիներին շատ անելիքներ կան։
«Ապագա հինգ տարիներին նախատեսվում են, որ մենք պետք ունենք ստանդարտացված դատական շենքներ, որոնք կհամապատասխանեն միջազգային չափանիշներին։ Այս համատեքստում նախատեսում ենք կառուցել երկու կամ երեք նոր շենքեր, բայց դեռ հստակ որոշում չկա, որ դատարանների համար»,- հավելեց նա։
Սրբուհի Գալյանի խոսքով՝ դատավարական պրոցեսներում խնդիրները բազմաթիվ են։
«Այս ուղղությամբ ձեռնարկված քայլեր կան, բայց իմ գնահատմամբ դրանք բավարար չեն լուծել այդ խնդիրները․ խոսքը վերաբերում է դատարանների ծանրաբեռնվածությանը, դատավարության ժամկետների որոշ դեպքերում կրճատմանը»,-ասաց նա։
