24.06.2026 | 23:56
Հրդեհ Վարդաշեն 6-րդ փողոցի շենքերից մեկում. մեկ անձ դիմել է բուժօգնության, տարհանվել է 12 քաղաքացի
Չինաստանը մտածում է TikTok-ն Իլոն Մասկին վաճառելու մասին. Bloomberg
Քաղաքականություն
14.01.2025 | 13:54
Չինական ByteDance Ltd ընկերությունը կարող է Իլոն Մասկին վաճառել TikTok-ը, գրում է Bloomberg-ը՝ հղում անելով իրազեկ աղբյուրներին։ Այս սցենարը հնարավոր կդառնա, եթե ԱՄՆ Գերագույն դատարանը պահպանի երկրում հարթակի արգելքը։
Հունվարի 10-ին քննարկումների ժամանակ ամերիկյան դատավորներն ասել են, որ հավելվածն արգելելու հավանականությունը մեծ է։ TikTok-ի արգելքի նախաձեռնողը եղել է ԱՄՆ նախագահ Ջո Բայդենը։ Նա օրենք է ստորագրել, որով չինական ByteDance-ից պահանջել է փակել TikTok-ը ԱՄՆ-ում մինչև 2025 թվականի հունվարի 19-ը։ Օրենքը ստորագրվել է 2024 թվականի ապրիլին:
Անցյալ տարվա վերջին նախագահական ընտրությունների հաղթող Դոնալդ Թրամփը կոչ է արել հետաձգել TikTok-ի արգելափակումը՝ ասելով, որ ցանկանում է «փրկել» հարթակը: Այս ֆոնին Պեկինի կառավարությունը քննարկում էր սցենար, որով Իլոն Մասկը կստանձնի հատուկ ԱՄՆ-ի համար ստեղծված TikTok US-ի վերահսկողությունը և այն կմիավորի գոյություն ունեցող X հավելվածին (նախկինում՝ Twitter):
Հավելվածի վաճառքի վերաբերյալ վերջնական որոշում դեռևս չի կայացվել, նշում է Bloomberg-ը։ Հարթակի մշակողները, Իլոն Մասկը և Չինաստանի իշխանությունները հրաժարվել են գործակալությանը մեկնաբանություն տալ:
Թարգմանությունը՝ Տաթև Ֆռանգյանի
