01.05.2024 | 13:33
«Բավարիա»-ն և «Ռեալ»-ը չեն պարզել հաղթողին. ՉԼ
Հրազդանում տղամարդը կացնով սպառնացել է իրավապահներին․ պարեկը վնասազերծել է նրան
13.03.2023 | 12:05
Մարտի 12-ի լույս 13-ի գիշերը արտակարգ դեպք է տեղի ունեցել Կոտայքի մարզում։ Ոստիկանության Կոտայքի մարզի օպերատիվ կառավարման կենտրոն է զանգահարել Հրազդան քաղաքի Վանատուր թաղամասի մի բնակչուհի և գողության մասին հաղորդում տվել: ՀՀ Ոստիկանության Հասարակայնության հետ կապի և լրատվության վարչության ԶԼՄ-ների հետ կապի բաժնի պետ Զարզանդ Գաբրիելյանը Factor.am-ին տեղեկացրեց, որ ահազանգով մեկնել են ոստիկանության Հրազդանի բաժնի օպերատիվ խումբը և պարեկային ծառայության Կոտայքի գումարտակի ծառայողները:
«Տղամարդը կացնով սպառնացել է ոստիկանության ծառայողներին։ Նրա հարձակումը հետ մղելու, ինչպես նաև իրենց կյանքին կամ առողջությանը սպառնացող վտանգը չեզոքացնելու համար կիրառվել է հրազեն։ Տղամարդը տեղափոխվել է «Հրազդան» բժշկական կենտրոն: Հրազդանի 45-ամյա բնակիչը, որը նախկինում դատապարտված է եղել, մահացել է»,- մանրամասնեց Գաբիրելյանը։
Կատարվում է նախաքննություն, հանգամանքները պարզվում են։
Արփի Հակոբյան
