24.11.2024 | 21:16
Հայաստանի բասկետբոլի հավաքականը պարտվեց Ավստրիայի թիմին
Իսրայելը պատրաստ է պատվիրակություն ուղարկել Կահիրե՝ ՀԱՄԱՍ-ի հետ բանակցությունների համար. WSJ
Քաղաքականություն
01.05.2024 | 12:39
Իսրայելը ծրագրում է պատվիրակություն ուղարկել Կահիրե՝ ՀԱՄԱՍ-ի հետ Գազայի հատվածում հրադադարի նոր առաջարկի շուրջ բանակցելու համար։ Այս մասին գրում է The Wall Street Journal-ը՝ վկայակոչելով Իսրայելի եւ Եգիպտոսի պաշտոնյաներին։
Եգիպտական անվտանգության աղբյուրների համաձայն՝ ՀԱՄԱՍ-ի պատվիրակությունն ապրիլի 29-ի ուշ երեկոյան մեկնել է Կահիրեից և «կվերադառնա զինադադարի առաջարկին գրավոր պատասխանով»։ Պարբերականը նշում է, որ արաբ միջնորդները ՀԱՄԱՍ-ին մղում են ընդունել հրադադարի պայմանները Ռաֆահում Իսրայելի ծրագրած ռազմական գործողությունից առաջ։
ՀԱՄԱՍ-ի ներկայացուցիչ Աբդուլ Լաթիֆ ալ-Կանուն ընդգծել է Պաղեստինի ժողովրդի պահանջների կատարման անհրաժեշտությունը, այդ թվում՝ «մշտական զինադադարը, զորքերի դուրսբերումը Գազայի հատվածից և փախստականների վերադարձը»:
Եգիպտական աղբյուրները թերթին հայտնել են, որ Մոսադի հետախուզության ղեկավար Դեյվիդ Բարնեան դիտարկում է այս շաբաթ Կահիրե այցը այն բանից հետո, երբ արաբ միջնորդները ՀԱՄԱՍ-ին են փոխանցել պատանդներին ազատ արձակելու գործարքի մանրամասները՝ ռազմական գործողությունները դադարեցնելու դիմաց: Ըստ աղբյուրի՝ Իսրայելը կարող է պատվիրակություն ուղարկել, սակայն դա կախված է «բանակցությունների զարգացումներից»։
Եգիպտոսի միջնորդությամբ Իսրայելն արել է հրադադարի իր վերջին առաջարկը՝ նախազգուշացնելով, որ դա այժմ զինադադարի «վերջին հնարավորությունն» է, նախքան իսրայելական բանակը ցամաքային գործողություն կսկսի Գազայի հատվածի հարավում գտնվող Ռաֆահ քաղաքում, որտեղ ավելի քան 1,5 միլիոն պաղեստինցի է ապաստանել։
