14.01.2026 | 23:33
Կառավարությունը փոփոխություն է առաջարկում ավագանու անդամների հրաժարականի կարգում
Կառավարության շենքից ՀՀ դրոշը հանվել էր, հետո տեղադրվել է․ ԼՈՒՍԱՆԿԱՐՆԵՐ
01.05.2024 | 13:04
Այսօր առավոտյան լրատվամիջոցները ֆիքսել էին, որ Կառավարության շենքի վրա տեղադրված ՀՀ դրոշը հանված է։
Վարչապետի աշխատակազմի տեղեկատվության և հասարակայնության հետ կապերի վարչություն պետ Արմեն Խաչատրյանը Factor.am-ի հետ զրույցում պարզաբանեց, որ սովորական տեխնիկական ընթացիկ աշխատանք է, դրոշը հանվել է փոխարինվելու նպատակով։
Հարցին՝ արդյո՞ք հնարավոր չէ այդ ընթացքում այլ դրոշ տեղադրել, Խաչատրյանն արձագանքեց․ «Այդպես էլ արվում է, Ձեզ ի՞նչ է թվում՝ դա հինգ րոպեի աշխատա՞նք է։ Դուք տեսե՞լ եք ձողի բարձրությունը, կարվում է այդ դրոշը, որպեսզի չընկնի»։
Factor.am-ն ավելի ուշ արձանագրել է, որ ՀՀ դրոշն արդեն իսկ տեղադրվել է Կառավարության շենքի վրա։
Մանյա Պողոսյան
