Ցածր աշխատավարձից մինչև սոցփաթեթի բացակայություն․ ի՞նչ խնդիրներ են բարձրացնում Արագածոտնի մարզում․ՏԵՍԱՆՅՈՒԹ

Լուրեր

19.11.2026 | 17:42
Վեց երկիր, այդ թվում՝ ՀՀ-ն և ԱՄՆ-ն, դեմ են քվեարկել Իսլամական կազմակերպության հետ համագործակցության մասին ՄԱԿ-ի բանաձևին
19.11.2026 | 17:30
Արդյո՞ք Իրանն ու Ադրբեջանը կարող են դառնալ ռուսական գազի այլընտրանքային մատակարար
19.11.2026 | 17:19
Օլիմպիական չեմպիոնը երեք տարով որակազրկվել է դոպինգի համար
19.11.2026 | 17:07
Ինչո՞ւ հետաձգվեց, ապա չեղարկվեց Միրզոյանի և Գերմանիայի ԱԳ նախարարի համատեղ ասուլիսը
19.11.2026 | 17:00
ԱՄՆ-ում ռուսաստանցի է ձերբակալվել լրտեսության մեղադրանքով․ նա հետևել է Ուկրաինային աջակցող ընկերության գործունեությանը
19.11.2026 | 16:51
Փաշինյանը դեկտեմբերի 3-ին կմեկնի Մոսկվա և կհանդիպի Պուտինի հետ․ ՏԵՍԱՆՅՈՒԹ
19.11.2026 | 16:46
Ամերիկյան AECOM-ը Մհեր Գրիգորյանին ներկայացրել է ԹՐԻՓՓ նախագծի տեխնիկատնտեսական ուսումնասիրության նախնական արդյունքները
19.11.2026 | 16:35
Բագրատ արքեպիսկոպոս Գալստանյանի տնային կալանքի ժամկետը 3 ամսով երկարաձգվեց
19.11.2026 | 16:24
Գրեթե բոլոր ռուսական բանկերը սանկցիաների տակ են, մեզ համար դա խնդիրներ է ստեղծում․ Մարտին Գալստյան․ ՏԵՍԱՆՅՈՒԹ
19.11.2026 | 16:13
Կրեմլը հայտնել է, որ Ուկրաինայի թեման ԱՄՆ-ի և Չինաստանի հետ եռակողմ հանդիպման առանցքային հարցը չի եղել
19.11.2026 | 16:05
Խվիչա Կվարացխելիան տարվա մարդ է ճանաչվել GQ France ամսագրի վարկածով
19.11.2026 | 15:55
Հայաստանի տնտեսությունը տուժել է, որպեսզի ընդդիմությունն ավելի շատ քվե ստանա՞․ Ռուբինյան․ ՏԵՍԱՆՅՈՒԹ
19.11.2026 | 15:51
Պուտինը, Թրամփն ու Սի Ցզինպինը համատեղ հռչակագիր են ընդունել․ ինչ կետեր են ներառված
19.11.2026 | 15:47
ՖԻՖԱ-ի նախագահի պաշտոնում առաջադրվել է երեք թեկնածու
19.11.2026 | 15:38
Թբիլիսիի բնակելի շենքերից մեկում պայթյուն է տեղի ունեցել․ փլատակների տակ 7 մարդ կա, այդ թվում՝ երեխաներ
Բոլորը

Աշխատանքային պայմանագրի բացակայությունը աշխատանքային իրավունքի ամենատարածված խախտումն է Հայաստանում․ այս մասին են վկայում 2021 թ-ին առաջատար հետազոտությունների խմբի ուսումնասիրության արդյունքները։ 1062 հարցվածների 16,7 տոկոսը նշել է, որ իրենց հետ աշխատանքային պայմանագիր չի կնքվել։ Ուշագրավ է, որ այս խախտման ամենացածր տոկոսն, ըստ հարցումների, եղել է Արագածոտնի մարզում՝ ընդամենը 4,3 տոկոս։

Աշխատանքային իրավունքների պաշտպանվածության բարձրացմանն ուղղված մարզային հանդիպումների շարքից հերթականը հենց Արագածոտնի մարզում էր, Աշտարակ քաղաքում։ Պարզվում է՝ այս մարզում նաև ամենացածրերից են աշխատանքային պայմաններում առողջության համար վտանգավոր կամ վնասակար գործոնների ազդեցության առկայությունը, օրական 8 ժամից ավելի աշխատողների բաշխվածությունը, արտաժամյա աշխատանք չկատարելու ցուցանիշը։ Այս պատկերը, սակայն, դեռ չի նշանակում, որ այս մարզում աշխատանքային իրավունքների հետ կապված խնդիրներ չկան, պարզապես բարձրաձայնողներն են քիչ։ Հանդիպման մասնակիցները տարբեր խնդիրներ բարձրաձայնեցին, իսկ Առողջապահական և աշխատանքի տեսչական մարմնի ներկայացուցիչը նշեց, որ ամենաշատը հենց վերջնահաշվարկի չտրամադրման հարցերով են դիմումներ ստանում, մինչդեռ խնդիրները տարատեսակ են։ Աշխատավարձի սանդղակով ամենացածրը կրթության ոլորտն է, և սա նորություն չէ, բայց ոչ թե համակրեպվել է պետք այս իրավիճակի հետ, այլ պայքարել՝ խորհուրդ է տալիս իրավապաշտպան Արթուր Սաքունցը։

Գործադուլ իրականացնելու կարգը պետք է հեշտացվի․ իր հերթին ընդգծում է Առողջապահական և աշխատանքի տեսչական մարմնի ներկայացուցիչը։ Սա կհեշտացնի ու ավելի արդյունավետ կդարձնի նաև արհմիությունների աշխատանքը։ Արհմիությունները կան, բայց աշխատողներից շատերը տեղյակ էլ չեն, որոշ դեպքերում դրանք կամ չեն գործում կամ թերի են գործում։ Արհմիությունները ձևավորվում են աշխատողների աշխատանքային իրավունքների պաշտպանության նպատակով։ Վերը նշված հետազոտության արդյունքներով հարցվածների միայն 28,3 տոկոսն է նշել, որ իրենց աշխատավայրում կա արհմիություն, իսկ  Արագածոտնի մարզում՝ 17,4 տոկոսը, այս դեպքում սա ամենաբացասական ցուցանիշն է։ 

Տեղում արձանագրում են, որ գործող արհմիությունները խնդիրների լուծման համար հազվադեպ դեպքերում են աշխատողների շահերի պաշտպանության համար դիմել, օրինակ, մարզպետարան կամ նախարարություն։ 

Այս հարցերում  իրավաբանական անվճար խորհրդատվություն ստանալու հնարավորություն ունեն բոլոր քաղաքացիները։ Խորհրդատվություն ու աջակցություն կարող են ստանալ դիմելով Առողջապահական և աշխատանքի տեսչական մարմին՝ զանգահարելով  8107 թեժ գծին կամ Հելսինկյան քաղաքացիական ասամբլեայի Վանաձորի գրասենյակ՝ 041 12 33 02 հեռախոսահամարով։ Մարդու իրավունքների պաշտպանի թեժ գծի համարն է՝ 116, իսկ աշխատանքի և սոցիալական հարցերի նախարարության համարը՝ 114։

Մանրամասները՝ տեսանյութում։

Սաթենիկ Հայրապետյան