14.05.2026 | 11:31
Անդրեյ Երմակի նկատմամբ խափանման միջոց է ընտրվել 60-օրյա կալանքը՝ գրավի հնարավորությամբ
Ո՞րն է «ճիշտ ու սխալ»-ի սխալը, ինչպես է պատմությունն օգնում մեդիագրագիտանալ․ Մեդիագիդ՝ Զոհրաբ Գևորգյանի հետ․ ՏԵՍԱՆՅՈՒԹ
Հասարակություն
10.11.2022 | 18:02
Ինչպես կարող է պատմությունն օգնել՝ հասկանալ իրադարձությունները խորությամբ և վերլուծել դրանց պատճառահետևանքային կապերը, ինչպես պետք է սովորել՝ ոչ թե անգիր անելու, այլ հասկանալու համար, և ինչու են իրար կապված պատմության ուսուցանումն ու մեդիագրագիտությունը, Factor TV-ի «Մեդիագիդ» փոդքասթի ընթացքում պատմաբան, պատմական գիտությունների թեկնածու, պատմության դասավանդման փորձագետ Զոհրաբ Գևորգյանն է բացատրում։
Գևորգյանը նշում է՝ մեդիագրագիտությունն այլևս որպես մեկ առարկա դասավանդելը սխալ է, անհրաժեշտություն կա այն տարրալուծել դպրոցական բոլոր առարկաների մեջ։
Հաղորդման ընթացքում պատմաբանը նաև անդրադառնում է պատմական դեպքերի մատուցման և ընկալման առանձնահատկություններին, մեկնաբանում նոր մեդիայի դարում պատմությունն արդյունավետ սովորելու փորձը և պատասխանում հարցին՝ «ի վերջո՝ կրկնվո՞ւմ է պատմությունը»։
«Մեդիագիդ» նախագիծը նպատակ ունի պարզ և մատչելի լեզվով պատմել մեդիայի և ընթերցողի խնդիրների մասին, վեր հանել թեմաներ, որոնք այժմեական են, արդիական ու կարող են կողմնորոշել լսարանին՝ Fake news-ից խուսափելու և տեղեկատվության արժանահավատ աղբյուրներ ընտրելու հարցում։
Ընտրված թեմաներն ընդգրկում են ինչպես ամենօրյա լրահոսի միջոցով «ապահով» տեղեկատվություն ստանալու ուղիները, այնպես էլ տեղեկատվական հոսքերում կողմնորոշվելու, բովանդակություն ֆիլտրելու և տեղեկատվության հետ աշխատելու համար կարևոր հմտությունների քննարկումը։
Ծրագիրը ֆինանսավորվում է Լիտվայի զարգացման համագործակցության և ժողովրդավարության զարգացման ծրագրի կողմից։
Անահիտ Հակոբյան
