09.10.2026 | 12:01
Ուկրաինական ԱԹՍ-ները հարձակվել են Կալուգայի, Տվերի, Բելգորոդի մարզերի վրա․ զոհեր կան
Ավելի մոտ խաղաղությա՞նը, թե՞ պատերազմին․ նոյեմբերի 9-ի փաստաթղթի ստորագրումից 2 տարի անց․ ՏԵՍԱՆՅՈՒԹ
Քաղաքականություն
09.11.2022 | 17:02
2020 թվականի նոյեմբերի 9-ը, եռակողմ հայտարարության ստորագրում․․․ 44-օրյա պատերազմում հրադադարի հաստատման փաստաթղթի վավերացումից հետո սկսվեց բանակցային մի շրջան, որի գլխավոր նպատակը, ըստ հայկական կողմի, տարածաշրջանում խաղաղության հաստատումն ու տրանսպորտային կապերի ապաշրջափակումն էր։
Վերջին 2 տարում Հայաստանի և Ադրբեջանի ղեկավարները հանդիպել են ընդհանուր առմամբ 8 անգամ։ Այդ հանդիպումներից 5-ը տեղի է ունեցել Բրյուսելի նախաձեռնությամբ, 3-ը՝ Մոսկվայի։
Որքանո՞վ են երկու երկրների դիրքորոշումները մերձեցել Լեռնային Ղարաբաղի խնդրի հարցում, արդյո՞ք մոտեցել ենք խաղաղությանն ու տարածաշրջանային կայունությանը․ Factor TV-ն ի մի է բերել հանդիպումների արդյունքների մասին պաշտոնական տեղեկություններն ու հայտարարությունները։
Այժմ կողմերը խոսում են մինչև տարեվերջ խաղաղության պայմանագրի հնարավոր ստորագրման մասին։ Ադրբեջանը, սակայն, դեռ չի վերադարձրել բոլոր հայ ռազմագերիներին, շարունակում է օկուպացրած պահել Հայաստանի ինքնիշխան տարածքները։ Շոշափելի առաջընթաց չկա նաև կոմունիկացիաների ապաշրջափակման մասով․ այս հարցում էլ Ադրբեջանը դեռևս չի հրաժարվում «միջանցքային» օրակարգից, իսկ Հայաստանի համար, ինչպես Նիկոլ Փաշինյանն է վստահեցնում, ինքնիշխանությունն ու տարածքային ամբողջականությունը կարմիր գիծ են։
Մանրամասները՝ տեսանյութում։
Շողիկ Գալստյան
