Պատիժ ռազմական գործողություններին չմասնակցելու և կամավոր գերի հանձնվելու համար․ Պուտինն օրենքներ է ստորագրել

Ռուսաստանի նախագահ Վլադիմիր Պուտինը ստորագրել է ՌԴ Քրեական օրենսգրքում փոփոխություններ կատարելու մասին օրենքը, որով մինչև 10 տարի ազատազրկում է նախատեսվում «կամավոր գերի հանձնվելու» համար՝ «Պետական դավաճանություն» հոդվածով նախատեսված հանցագործության նշանների բացակայության դեպքում: Այս մասին հայտնում է «ՌԻԱ Նովոստի» գործակալությունը:

Պատժի ստորին նշաձողը կլինի երեք տարվա ազատազրկում. «Կամավոր հանձնումը գերության մեջ» հոդվածը նախկինում չի եղել ՌԴ ՔՕ-ում։
Ընդ որում, առաջին անգամ այդ հանցագործությունը կատարած զինծառայողը կարող է ազատվել քրեական պատասխանատվությունից, եթե նա միջոցներ է ձեռնարկել իր ազատ արձակման համար, վերադարձել է զորամաս կամ ծառայության վայր և գերության մեջ գտնվելու ժամանակ այլ հանցագործություններ չի կատարել, ասված է օրենքում:

ՌԴ նախագահ Վլադիմիր Պուտինը ստորագրել է ՌԴ Քրեական օրենսգրքում փոփոխություններ կատարելու մասին օրենքը, որը նախատեսում է մինչև 10 տարի ազատազրկում ռազմական դրության կամ զինված բախումների ժամանակ ծառայելուց խուսափելու համար, որը «առաջացրել է ծանր հետևանքներ»։

Նույն պատիժը նախատեսված է նաև նույն պայմաններում ենթակաների կողմից պետի հրամանը չկատարելու համար:
Օրենքը նաև նախատեսում է, որ զորահավաքի, ռազմական դրության, մարտական գործողությունների կամ ռազմական հակամարտության ժամանակ զինվորական ծառայության պետի նկատմամբ բռնության համար սպառնում է մինչև 15 տարվա ազատազրկում: Խոսքը պետին դիմադրելու, պարտականությունները խախտելուն հարկադրելու, զինվորական ծառայության պարտականությունները կատարելու ժամանակ ծեծի ենթարկելու մասին է։