16.09.2026 | 13:40
ՔՊ վարչությունում քննարկվել է Հայկ Սարգսյանի հարցը. Հասմիկ Հակոբյան․ ՏԵՍԱՆՅՈՒԹ
Պուտինի ելույթի մանիպուլյատիվ և կեղծ պնդումները․FIP
Քաղաքականություն
10.09.2022 | 11:43
Սեպտեմբերի 7-ին Ռուսաստանի նախագահ Վլադիմիր Պուտինը ելույթ է ունեցել Վլադիվոստոկ քաղաքում անցկացվող «Բազմաբևեռ աշխարհի ճանապարհին» թեմայով Արևելյան տնտեսական 7-րդ համաժողովի նիստում։ Ի թիվս այլոց, նա անդրադարձել է Ուկրաինայում ռազմական գործողություններին, դրանց ազդեցությանը ՌԴ-ի և արևմտյան երկրների տնտեսության վրա․ գրում է FIP-ը։
«Փաստերի ստուգման հարթակը» մեկտեղել է Պուտինի ելույթի մի շարք մանիպուլյատիվ ու կեղծ պնդումները։
Գնաճի մանիպուլյատիվ համեմատականներ՝ ԱՄՆ-ի ու ՌԴ-ի միջև
ՌԴ նախագահն, անդրադառանլով համաշխարհային գնաճին, զուգահեռներ է տարել Դաշնությունում և արևմտյան երկներում համապատասխան ցուցանիշների միջև․ նա, մասնավորապես, պնդել է, թե Ռուսաստանում գնաճը, «ի տարբերություն ԱՄՆ-ի, նվազման միտում ունի»։
«Հուլիսին ԱՄՆ-ում գնաճը կազմել է 8,5%, իսկ մեզ մոտ՝ 14%-ից մի քիչ ավելի. ես սրան դեռ կանդրադառնամ, բայց այն նվազման միտում ունի՝ ի տարբերություն արևմտյան երկների։ Այնտեղ գնաճը շարունակում է ավելանալ, իսկ մեզ մոտ անկման միտում ունի», — ասել է Պուտինը։
Պուտինն մի հարցում իրավացի է, ըստ ՌԴ վիճակագրական ծառայության , հուլիսին ՌԴ-ում գնաճն իսկապես անկման միտում է դրսևորել։ Սակայն նա սխալվում է ԱՄՆ-ի մասով․ հուլիսին ԱՄՆ-ում գնաճը նույնպես նվազման միտում ուներ։
Միևնույն ժամանակ, մարտից՝ Ուկրաինա ՌԴ ներխուժման 2-րդ ամսից սկսած, Դաշնությունում, ի տարբերություն ԱՄՆ-ի, գրանցվել է գնաճի երկնիշ ցուցանիշ։
Օրինակ, ռազմական գործողությունների կես տարում ԱՄՆ-ում գրանցված գնաճի ամենաբարձր ցուցանիշը եղել է հունիսին՝ 9,1%, իսկ ՌԴ-ում՝ ապրիլին՝ 18%, այսինքն՝ կրկնակի բարձր, քան ԱՄՆ-ում գրանցված ցուցանիշը։
Ուկրաինական ցորենը՝ միայն հարուստ երկների՞ն
Նույն ելույթի ընթացքում Պուտինն անդրադարձել է հուլիսի 22-ին Ռուսաստանի, Ուկրաինայի, Թուրքիայի և ՄԱԿ-ի միջև Ստամբուլում հացահատիկային միջանցքի մասին համաձայնագրին, ու պնդել, որ դրանից օգտվում են միայն ԵՄ-ի հարուստ երկները, իսկ աղքատ երկրներին ուկրաինական ցորենով բեռնված ընդամենը «երկու նավ է հասել»։
«Ըստ ՄԱԿ-ի Պարենի համաշխարհային ծրագրի տվյալների՝ ամենից շատ կարիքի մեջ գտվող երկրներ ընդամենը երկու նավ է հասել, ընդգծում եմ՝ ընդամենը երկուսը՝ 87 նավից», — ասել է Պուտինը։
Նա նշել է նաև, որ ՌԴ-ն մտադիր է ուկրաինական ցորենի արտահանման սահմանափակումների հարցը քննարկել Թուրքիայի նախագահ Էրդողանի հետ։ Ի դեպ, վերջինս վերահաստատել է Պուտինի այս հայտարարությունը՝ ևս պնդելով, թե ուկրաինական ցորենի արտահանման գործարքից աղքատ երկները չեն օգտվում։
ՄԱԿ-ի Պարենի համաշխարհային կազմակերպության տվյալների համաձայն, հացահատիկային միջանցքի մասին համաձայնագրի ստորագրումից ի վեր, ուկրաինական ապաշրջափակված նավահանգիստներից ցորենով բեռնված 87 նավ է դուրս է եկել։
Դրանց մեծ մասը՝ 32 նավ, բեռնաթափվել է միայն Թուրքիայում, 30-ը՝ ԵՄ 9 երկրներում, և 25-ը՝ այլ երկներում, այդ թվում՝ 6 նավ Եգիպտոսում, մեկական նավ՝ Եմենում, Սուդանում, Սոմալիում, Ջիբութիում, Լիբանանում։
Մանրամասները՝ սկզբնաղբյուր կայքում։
