17.07.2026 | 23:30
ԲԸՏՄ-ում քննարկվել են COP17-ի նախապատրաստական աշխատանքներն ու տեսչության մասնակցությունը
Լեհաստանը նախատեսում է ԵՄ-ում իր նախագահության ընթացքում արագացնել կառույցին Ուկրաինայի անդամակցության գործընթացը
Քաղաքականություն
15.01.2025 | 20:42
ԵՄ-ում նախագահությունը Լեհաստանին թույլ կտա ճեղքել այն փակուղին, որն ակնհայտ էր վերջին ամիսներին։ Այս մասին հայտարարել է Լեհաստանի վարչապետ Դոնալդ Տուսկը Վարշավայում Ուկրաինայի նախագահ Վլադիմիր Զելենսկիի հետ համատեղ մամուլի ասուլիսում, փոխանցում է BBC-ի ռուսական ծառայությունը։
«Մենք խոսեցինք դեպի Եվրամիություն տանող այս ճանապարհի մասին։ Երկու բան կա, որ ես կցանկանայի հստակեցնել. Լեհաստանի նախագահությունը թույլ կտա մեզ ճեղքել այն փակուղին, որն ակնհայտ էր վերջին ամիսներին։ Մենք միասին կաշխատենք Ուկրաինայի և մեր եվրոպացի գործընկերների հետ՝ հնարավորինս արագացնելու [Ուկրաինայի] անդամակցության գործընթացը ԵՄ-ին»,- ասել է Դոնալդ Տուսկը։
Եվրամիությունում Լեհաստանի նախագահությունը սկսվել է հունվարի 1-ին և կտևի մինչև 2025 թվականի հունիսի 30-ը։
Զելենսկին այցով Վարշավայում է՝ հանդիպելու Լեհաստանի ղեկավարության հետ:
Թարգմանությունը՝ Տաթև Ֆռանգյանի
