06.10.2026 | 00:38
Ազգերի լիգա. Հայաստանի հավաքականը ոչ-ոքի խաղաց Չեռնոգորիայի հետ
Կարելի է խիստ տուգանքներ սահմանել հրավառության վաճառքի դեպքում՝ մինչև 2-3 մլն դրամ․ Սիսակ Գաբրիելյան․ ՏԵՍԱՆՅՈՒԹ
Քաղաքականություն
31.08.2022 | 15:15
ԱԺ գիտության, կրթության, մշակույթի, սփյուռքի, երիտասարդության եւ սպորտի հարցերի մշտական հանձնաժողովի նախագահ Սիսակ Գաբրիելյանի նախաձեռնությամբ քննարկում է կազմակերպվել հրավառություններն արգելող նախագծի վերաբերյալ։
Սիսակ Գաբրիելյանն առաջարկեց հրավառ նյութերի վաճառքի դեպքում խիստ տուգանքներ սահմանել՝ մինչև 2-3 մլն դրամ։
Գաբրիելյանը նշեց, որ համաձայն չէ այն կարծիքների հետ, որ մասնավոր հատվածին պետք է հրավառություններ անելու իրավունք վերապահել, այլապես օրենքի տրամաբանությունը չի գործի:
«ՀՀ-ում օրական 300-400 մասնավոր միջոցառում է լինում… Մասնավորների պարագայում վերահսկողությունը շատ դժվար է լինելու։ Դա նույնն է, որ թույլատրենք զենքի ազատ վաճառք, իսկ հետո վերահսկենք, որ իրար վրա չկրակեն։ Հետևաբար, եթե թույլատրում ենք, որ «Սուրմալու», «Փեթակ» կամ այլ առևտրի կենտրոններում տնտեսվարողներն ազատ վաճառեն, ապա շատ դժվար է լինելու վերահսկումը։
Իսկ եթե օրենքով չլինի ազատ վաճառք, ապա սա ռիսկերը 70%-ով կնվազեցնի։ Իսկ տուգանքը, կարծում եմ, շատ ավելի խիստ պետք է լինի»,- նշեց Գաբրիելյանը՝ հավելելով՝ կարելի է՝ խիստ տուգանքներ սահմանել հրավառության վաճառքի դեպքում՝ մինչև 2-3 մլն դրամ:
Մանրամասները՝ տեսանյութում։
