14.03.2026 | 20:09
Նյու Յորքում Հայաստանի նախաձեռնությամբ քննարկվել է գենդերային հավասարության դերը կենսաբազմազանության պահպանման գործում
Եռամսյա հավաքի մասնակիցը 5 օր առաջ կորել է Սևանա լճում
Հասարակություն
13.08.2022 | 13:56
Եռամսյա վարժական հավաքների մասնակիցներից մեկն անհետ կորել է` Սևանա լիճ մտնելուց հետո։ Դեպքը տեղի է ունեցել հինգ օր առաջ։
Factor.am-ի տեղեկություններով՝ նա Գյումրիից էր, 31 տարեկան։ Մեզ հայտնի է անհետ կորածի անունը, սակայն չենք հրապարակում։
Արդյո՞ք հավաքի մասնակիցը ջրահեղձ է եղել, թե` ոչ, պաշտոնապես չի հաստատվում։ Պաշտպանության նախարարության մամուլի խոսնակը Factor.am-ին հայտնեց, որ որոնողափրկարարական աշխատանքները շարունակվում են:
Ուշագրավ է, որ դեպքից անցել է 5 օր, սակայն մինչ այս պահն այդ մասին որևէ տեղեկություն գերատեսչությունը չի հրապարակել։
Առայժմ հստակեցված չէ, թե զորավարժությունների մեկնած մասնակիցներն ինչու են հիմնական գործառույթը թողել և գնացել Սևան։ Մեր տեղեկություններով` լողալու նպատակով Սևան են գնացել վեց հոգով։ Տեղեկություններ չեն հայտնվում նաև, թե ո՞ւմ վերահսկողության տակ են եղել նրանք, ինչո՞ւ է ՊՆ պաշտոնյան թերացել ու հավաքի մասնակիցների գործողությունները չի վերահսկել։
Նարեկ Կիրակոսյան
