19.08.2026 | 13:10
Հունահռոմեական ոճի ըմբշամարտի Հայաստանի Մ-20 հավաքականն ԱԱ-ում ելույթն ավարտեց 4 մեդալով
Թուրքիայի երեք ռազմաարդյունաբերական ընկերություններ հայտնվել են աշխարհի թոփ 100-ում
Քաղաքականություն
10.08.2022 | 21:37
Defense News-ը հրապարակել է 2022 թվականի աշխարհի 100 ռազմարդյունաբերական ընկերությունների ցանկը՝ ըստ ստացած եկամուտների։ Առաջին տասնյակում գերակշռողն ամերիկյան ընկերություններն են։
Մասնավորապես, ամերիկյան Lockheed Martin-ը գլխավորում է ցուցակը շուրջ 64,5 մլդ դոլար եկամուտով, նրան հաջորդում են Raytheon Technologies-ը՝ 41,9 մլրդ-ով, Boing-ը՝ 35 մլրդ դոլարով, Northrop Grumman-ը՝ 31,4 մլրդ դոլարով։ Լավագույն հնգյակը եզրափակում է General Dynamics-ը՝ 30 մլրդ դոլարով։
Լավագույն տասնյակում, ամերիկյան ընկերություններից զատ, երկու չինական և մեկ բրիտանական ընկերություններ կան՝ Aviation Industry Corporation of China-ն՝ 30 մլրդ դոլարով, China State Shipbuilding Corporation Limited-ը՝ 18 մլրդ դոլարով և բրիտանական BAE Systems-ը՝ 25,8 մլրդ-ով։
Հետաքրքիր է, որ ցուցակում առկա են երեք թուրքական ընկերություններ՝Aselsan-ը, Turkish Aerospace Industries-ը, Roketsan-ը։
Aselsan-ը գտնվում է 49-րդ հորիզոնականում՝ 2,25 մլրդ դոլար եկամուտով, Turkish Aerospace Industries-ը 67-րդն է՝ 1,26 մլրդ դոլարով, իսկ Roketsan-ը 86-րդն է՝ 814 մլն դոլար եկամուտով։
Էմմա Չոբանյան
