14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
2-րդ եռամսյակում 24 դեպքում խախտվել է տեղեկություն ստանալու իրավունքը․ԽԱՊԿ
Հասարակություն
26.07.2022 | 13:02
«Խոսքի ազատության պաշտպանության կոմիտե»-ի նախագահ Աշոտ Մելիքյանը հուլիսի 26-ին հրավիրված ասուլիսում ներկայացրեց 2022 թվականի երկրորդ եռամսյակային զեկույցը՝ Հայաստանում խոսքի ազատության վիճակի և լրագրողների ու ԶԼՄ-ների իրավունքների խախտումների վերաբերյալ:
Մելիքյանի տեղեկություններով՝ 2022-ի երկրորդ եռամսյակում 24 դեպքում խախտվել է տեղեկություն ստանալու իրավունքը
«Խորհրդարանը հունիսի 9-ին ընդունել է «Տեղեկատվության ազատության մասին» օրենքում փոփոխություն կատարելու մասին նախագիծը, որի համաձայն՝ այն պետական մարմինները, որոնք անհիմն մերժել են տրամադրել անպիսի տեղեկատվություն, որը ենթակա է հրապարակման, կենթարկվեն ավելի խիստ պատասխանատվության՝ եթե մինչ այդ 10 000 – 50 000 դրամ տուգանք էր նախատեսվում, ընդունված փոփոխություններից հետո 30 000-70 000 դրամ վարչական տույժ է նախատեսվում»,- նշեց Մելիքյանը:
Նրա հավաստմամբ՝ խոսքի ազատության խախտման 24 դեպքից միայն մեկի դեպքում է, որ լրատվամիջոցը դիմել է դատական ատյաններ, որպեսզի դատարանը պարտադրի պետական մարմնին տեղեկություն տրամադրել: «Լրատվամիջոցները հիմնականում չեն դիմում, երևի չեն ուզում ժամանակ կորցնել և քաշքշուկների մեջ ընկնել»,- ասաց ԽԱՊԿ նախագահը:
Մանրամասները՝ տեսանյութում։
