15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
ՆԱՏՕ-ն մտադիր է Ուկրաինային ԱԹՍ-ների դեմ պայքարի հարյուրավոր շարժական համակարգեր տրամադրել
Քաղաքականություն
25.07.2022 | 16:06
Հյուսիսատլանտյան դաշինքը Ուկրաինա հարյուրավոր շարժական համակարգեր է ուղարկելու անօդաչու թռչող սարքերի դեմ պայքարի համար։ Այս մասին սերբական Kurir թերթին տված հարցազրույցում հայտարարել է ՆԱՏՕ-ի գլխավոր քարտուղար Յենս Ստոլտենբերգը, գրում է ՏԱՍՍ-ը։
«Դաշնակիցները շարունակում են Ուկրաինային նշանակալի ռազմական ու ֆինանսական աջակցություն ցուցաբերել։ ՆԱՏՕ-ն կտրամադրի համապարփակ օգնություն, այդ թվում՝ անվտանգ հաղորդակցության միջոցներ, բժշկական պարագաներ, զրահաբաճկոններ, ականներից, քիմիական ու կենսաբանական զենքից պաշտպանության միջոցներ, ինչպես նաև անօդաչուների դեմպայքարի հարյուրավոր շարժական համակարգեր։ Երկարաժամկետ հեռանկարում մենք կօգնենք Ուկրաինային անցում կատարել խորհրդային ժամանակաշրջանի սարքավորումներից դեպի ՆԱՏՕ-ի ժամանակակից սարքավորումներ, զարգացնել փոխգործունակությունը և ավելի ամրապնդել պաշտպանական և անվտանգության ինստիտուտները»,-ասել է Ստոլտենբերգը։
Նա նաև հիշեցրել է, որ հունիսին Մադրիդում կայացած ՆԱՏՕ-ի գագաթնաժողովում անդամվերկրները պայմանավորվել են ուժեղացնել արևելյան սահմանների մոտ տեղակայված ստորաբաժանումները, ինչպես նաև արագ արձագանքման ուժերի թվակազմը ներկայիս 40 000-ից հասցնել 300 000-ի: Բացի այդ՝ ՆԱՏՕ-ն ավելացնելու է տրամադրվող ռազմամթերքի և տեխնիկայի ծավալները։
Ստոլտենբերգը Մադրիդի գագաթնաժողովն անվանել է «պատմական»՝ նշելով, որ մասնակցության հրավերներ էին ուղարկվել Ֆինլանդիային և Շվեդիային, նաև հրապարակվել փաստաթղթեր, որոնք սահմանում են ՆԱՏՕ-ի դիրքորոշումը Ռուսաստանի և Չինաստանի նկատմամբ։
Էմմա Չոբանյան
