Վտանգավոր գործընթաց ընդդեմ Հայաստանի. ռուսական կողմը կարող է ՀՀ-ի մասին հետախուզական տվյալներ փոխանցել Բաքվին․ ՏԵՍԱՆՅՈւԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Ռուսաստանն ու Ադրբեջանը խորացնում են համագործակցությունը՝ հետախուզության ոլորտում։ Մոսկվան ու Բաքուն երկու օր առաջ համաձայնագիր են ստորագրել։ Փաստաթուղթը նախատեսում է համատեղ գործողություններ երկու պետությունների ազգային ինքնիշխանության և տարածքային ամբողջականության պաշտպանության, միջազգային ահաբեկչության և արմատական ​​ծայրահեղականության դեմ պայքարի, երրորդ երկրներում Ռուսաստանի և Ադրբեջանի քաղաքացիների շահերի պաշտպանության հարցերում։

Ռուս-ադրբեջանական այս նոր համագործակցությունը մի շարք մտահոգություններ է առաջացրել։

ԻՔՄ ծրագրերի համակարգող Դանիել Իոաննիսյանը կարծում է՝ ստորագրվել է մի փաստաթուղթ, որով Հայաստանում ու Արցախում հավաքագրված հետախուզական տվյալները փոխանցելու են Բաքվին, որպեսզի Ադրբեջանն, այսպես ասած, «վերականգնի իր տարածքային ամբողջականությունը»։

Ռուսաստանի ԱԴԾ-ն հասանելիություն ունի սահմանային էլեկտրոնային տեղեկատվական համակարգին, որի միջոցով հայտնի է դառնում, թե ովքեր են մուտք գործում Հայաստան կամ հեռանում Հայաստանից։ Դանիել Իոաննիսյանի խոսքով՝ շատ մեծ վտանգ կա, որ այդ և բազմաթիվ այլ տեղեկություններ ռուս-ադրբեջանական պայմանագրի հիման վրա կփոխանցվեն Ադրբեջանին։

Սա առաջին անգամ չէ, երբ Ռուսաստանի իշխանությունները հաշվի չառնելով հայ-ռուսական, այպես կոչված, ռազմավարական դաշնակցային հարբերությունները, խորը համագործակցություն են սկսում Ադրբեջանի հետ։ Ռուսաստանը տարիներ շարունակ գերժամանակակից սպառազինություն է մատակարարել Ադրբեջանին, որն Արցախում օգտագործվել է նաև խաղաղ բնակիչների դեմ։

Միջազգային խաղաղության ուսումնասիրության ինստիտուտի տվյալների համաձայն` քառօրյա և 44-օրյա պատերազմներից առաջ Ադրբեջանին ամենաշատ սպառազինությունը մատակարարել է Ռուսաստանը։ 2011-20 թթ․ Մոսկվան Բաքվին մատակարարել է Ադրբեջանի ընդհանուր զենքի և զինամթերքի 67 տոկոսը։ Հրապարակախոս Անահիտ Ադամյանը հարց է բարձրաձայնում՝ արդյո՞ք օրեր առաջ ստորագրված համաձայնագիրն ու այս ծավալի զենքի վաճառքը Հայաստանի հակառակորդ երկրին ռազմավարական դաշնակցին բնորոշ գործողություններ են։

Համագործակցության համաձայնագիրը Ադրբեջանի արտաքին հետախուզության ծառայության ղեկավարի հետ ստորագրել է Երևանից Բաքու մեկնած Սերգեյ Նարիշկինը, որն ԱՄՆ ԿՀՎ ղեկավար Ուիլյամ Բըրնսի այցից անմիջապես հետո էր ժամանել Հայաստան։ Նարիշկինը Երևանում հանդիպումներ էր ունեցել վարչապետ Նիկոլ Փաշինյանի, ԱԽՔ Արմեն Գրիգորյանի և ԱԱԾ տնօրեն Արմեն Աբազյանի հետ։ Սակայն Հայաստանում որևէ փաստաթղթի ստորագրման մասին չի հայտարարվել։ Ինչո՞վ է պայմանավորված ռազմավարական դաշնակից համարվող Ռուսաստանի այս մոտեցումը։ Ադրբեջանագետ Տաթևիկ Հայրապետյանի խոսքով՝ ՌԴ-Արևմուտք հակամարտության ֆոնին Մոսկվան փորձում է Հարավային Կովկասում պահել իր դիրքերը։

Պաշտոնական Երևանը դեռ որևէ կերպ չի արձագանքել ռուս-ադրբեջանական այս նոր համագործակցությանը։ Թեմայի շուրջ Factor TV-ին գրավոր հարցեր է ուղղել ՀՀ կառավարություն և ԱԱԾ, որոնց պատասխանները դեռ չենք ստացել։

Մանրամասները՝ տեսանյութում։

Նարեկ Կիրակոսյան