Կեղծ լուրերի դեմ պայքարը կհաջողվի՞. ներկայացվել է համապարփակ ազգային ռազմավարության ծրագիրը․ ՏԵՍԱՆՅՈՒԹ

Ինչպես աշխարհում, այնպես էլ Հայաստանում ապատեղեկատվությունը եղել և շարունակում է մնալ լուրջ մարտահրավեր։ Мedia.am կայքի գլխավոր խմբագիր Գեղամ Վարդանյանն ընդգծում է՝ սոցցանցերի զարգացումը հատկապես վերջին տարիներին նոր ու ավելի լայն հնարավորություններ է ստեղծել կեղծ լուրեր տարածողների համար։

Ապատեղեկատվությունը լիովին բացառելը գրեթե անհնար է։ Կեղծ լուրերի ու մանիպուլյացիոն բովանդակության առատություն նկատվում է հատկապես պատերազմի, քաղաքական լարումների կամ համաճարակային իրավիճակի պայմաններում։

Ապատեղեկատվության դեմ պայքարի արդյունավետությունը բարձրացնեու նպատակով Ինֆորմացիայի ազատության կենտրոնը մշակել և Կառավարությանն է ներկայացրել առաջին համապարփակ ազգային ռազմավարության ծրագիրը։ Այն նպատակ ունի օգնել քաղհասարակությանն ու Կառավարությանը՝ համատեղ ջանքերով պայքարել ապատեղեկատվության դեմ։ Այս նախաձեռնության կարևորությունն ընդգծում է նաև վարչապետի աշխատակազմի ղեկավարը։

Ինֆորմացիայի ազատության կենտրոնի փորձագետները ծրագրի մշակման վրա աշխատել են 3 ամիս, հիմա այն հանրային քննարկումների փուլում է, իսկ արդեն աշնանը կներկայացվի Կառավարության հաստատմանը։ Փաստաթուղթը 3 հիմնական ուղղությունների վրա է հիմնվում։

Եթե ռազմավարությունը հաստատվի, բոլոր պաշտոնական կայքերը կհամապատասխանեցվեն միասնական ստանդարտի, որպեսզի քաղաքացիների համար դրանցից օգտվելը լինի հեշտ և հասանելի։ Հաջորդ ուղղությունը հենվում է փոխգործակցության և մասնավոր հատվածի կարողությունների մոբիլիզացիայի վրա, քանի որ տարիներ շարունակ ապատեղեկատվության դեմ պայքարը տարվում է, բայց ոչ արդյունավետ և համակարգված։

Ռազմավարությունն առաջիկա 2 տարիների համար է մշակված, կֆինանսավորվի պետական բյուջեից, ակնկալվում է նաև միջազգային դոնորների մասնակցությունը։

Կմշակվի նաև գործողությունների ծրագիր, որտեղ հստակ կնշվի, թե կազմակերպությունը ինչ ժամկետում և ինչ ռեսուրսներով է իրականացնելու տվյալ գործողությունը։

Մանրամասները՝ տեսանյութում։

Սաթենիկ Հայրապետյան