16.01.2026 | 23:30
Ավարտվել է Հայաստանի շախմատի տղամարդկանց և կանանց առաջնությունների 4-րդ խաղափուլը
Ջոնսոնը զգուշացրել է Կիևին ոչ շահավետ խաղաղության հարկադրելու «սարսափելի հետևանքների» մասին
Քաղաքականություն
30.06.2022 | 23:08
Ուկրաինային իր համար ոչ շահավետ խաղաղության հարկադրելը կհանգեցնի սարսափելի հետևանքների։ Ելույթ ունենալով Մադրիդում ՆԱՏՕ-ի գագաթնաժողովում՝ այս մասին հայտարարել է Մեծ Բրիտանիայի վարչապետ Բորիս Ջոնսոնը, գրում է ՏԱՍՍ-ը։
«Եթե Ուկրաինան պարտվի կամ ստիպված լինի ընդունել խաղաղություն ոչ շահավետ պայմաններով, ապա ողջ մոլորակի ազատության համար սարսափելի կլինեն հետևանքները: Նման կարծիքը կիսում են ՆԱՏՕ-ի բոլոր անդամները»,- ասել է Ջոնսոնը՝ հավելելով, որ ուկրաինացիների հաղթանակը կդառնա լավագույն փաստարկը միջազգային իրավունքի գերակայության և արևմտյան արժեքների տարածման անհրաժեշտության մասին քննարկումների ժամանակ։
Ջոնսոնը կարծում է, որ Մոսկվայի հետ բանակցությունների նպատակահարմարության մասին որոշումը պետք է կայացվի Կիևում։
«Մենք չենք կարող լինել ուկրաինացիներից ավելի ուկրաինացի։ Ցանկանո՞ւմ են նրանք ՌԴ-ի հետ պայմանավորվել։ Իհարկե, դա նրանց որոշումն է։ Միակ տրամաբանական և ճիշտ որոշումն է՝ շարունակել աջակցել Ուկրաինային, ինչպես մենք արդեն անում ենք, և ավելացնել ռազմական օգնության ավելացումը»,- ասել է Մեծ Բրիտանիայի վարչապետը։
Էմմա Չոբանյան
