Արցախում ՀՀ-ից նորակոչիկ այլևս չի ծառայի․ ովքե՞ր են պաշտպանելու ԼՂ դիրքերը․ ՏԵՍԱՆՅՈՒԹ

Լուրեր

19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
Բոլորը

Արցախի Պաշտպանության բանակն այլևս չի համալրվի հայաստանցի նորակոչիկներով, իսկ Հայաստանի Զինված ուժերի վերջին ներկայացուցիչները Արցախից դուրս կգան առաջիկա մեկ-երկու ամիսների ընթացքում։ Այս մասին տեղեկացրեց ԶՈւ Գլխավոր շտաբի անձնակազմի կառավարման գլխավոր վարչության պետի տեղակալ, գնդապետ Սահակ Սահակյանը։

Բարձրաստիճան զինվորականի խոսքով՝ Հայաստանի ռազմաքաղաքական ղեկավարությունը, 44-օրյա պատերազմի աղետալի ելքից հետո, որոշել է Արցախի պաշտպանությունն իրականացնել միայն պայմանագրային զինծառայողներով։ Սահակյանի խոսքով՝ մշակվել է պայմանագրային զինծառայողների համար գրավիչ փաթեթ, որպեսզի հնարավոր լինի համալրել Արցախի Պաշտպանության բանակի թափուր հաստիքները։

44-օրյա պատերազմի հրադադարի հայտարարությունից և ռուս խաղաղապահների տեղակայումից հետո Հայաստանի նորակոչիկներն Արցախում պարտադիր զինծառայություն չեն անցնում։ Բարձրաստիճան զինվորականը, սակայն, ժամկետային զինծառայողներին պայմանագրայիններով փոխարինելը հիմնավորում է այն հանգամանքով, որ փորձում են հասնել նրան, որ ժամկետային ծառայողներն առաջնագծում առհասարակ մարտական ծառայություն չիրականացնեն։ Նման փորձ արվել է նաև Հայաստանում։

Հայաստանում մեկնարկած ամառային զորակոչի շրջանակում այսօր պարտադիր զինծառայության մեկնեց նորակոչիկների հերթական խումբը։ Նրանք, ըստ վիճակահանության, ծառայության մեկնեցին ՀՀ  և ՌԴ սահմանապահ զորքեր, հատուկ նշանակության, ուսումնական, տեխնիկական, հումանիտար ուղղվածության և ընդհանուր հիմունքներով զորամասեր։ Չնայած սահմանին առկա լարվածությանը՝ նորակոչիկները հայկական բանակ են մեկնում առանց մտավախությունների։

Նորակոչիկները ՊՆ կենտրոնական հավաքակայանում անհրաժեշտ բուժզննում անցնելուց հետո արդեն կտեղափոխվեն զորամասեր։ Բժշկական հանձնաժողովի նախագահ Դանիել Մկրտչյանից հետաքրքրվեցինք՝ արդյո՞ք պատշաճ հետազոտություն անցնում են նորակոչիկները։

«Զորակոչվում են և սրտի ռիթմի խանգարումներով՝ Կառավարության 404 և 405 որոշումներով։ Սրտի ռիթմի պաթոլոգիայով կամ տեսողական որոշակի խնդիրներով երիտասարդը պիտանի է զինվորական ծառայության՝ սահմանափակումով։ Նա պետք է զորակոչվի զինծառայության՝ իր հիվանդություններով հանդերձ»,- ասաց նա։

Չնայած հավաստիացումներին՝ ծնողները հաճախ են ահազանգում այն մասին, որ տղաները բանակ են զորակոչվում առողջական խնդիրներով, այդ թվում՝ սրտի կամ տեսողության հետ կապված։ Գերությունից վերադարձած և կրկին ծառայության մեկնած զինծառայողներից ոմանք էլ բարձրաձայնում են այն մասին, որ իրենց տղաները ոչ միայն ֆիզիկական, այլ նաև հոգեբանական խնդիրներով են վերադառնում սահմանային զորամասեր։

Բանակում, ըստ իրավապաշտպանների, խիստ անհրաժեշտ է բարոյահոգեբանական վիճակի բարելավումը։ Այսօր իրենց տղաներին բանակ ճանապարհող ծնողներից ոմանք ևս մտահագություններ ունեին այս հարցում։

Վիճակագրական տվալների համաձայն՝ միայն այս տարվա 6 ամիսների ընթացքում բանակում գրանցված մահերի 12 տոկոսն առողջական խնդիրների հետևանքով է։

Մանրամասները՝ տեսանյութում։

Նարեկ Կիրակոսյան