15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Վրաստանի կառավարությունը հաճախ օգտագործում է միջազգային վարկանիշների սխալ մեկնաբանությունները՝ երկրում իրական խնդիրները թաքցնելու համար. TI
Քաղաքականություն
23.06.2022 | 23:04
«Թրանսփարենսի Ինթերնեշնլ Վրաստան»-ը (TI) հայտարարություն է տարածել, որում ասվում է, որ Վրաստանի կառավարությունը հաճախ օգտագործում է միջազգային վարկանիշների սխալ մեկնաբանությունները՝ երկրում իրական խնդիրները թաքցնելու համար, գրում է Aliq Media-ն։
Նշենք, որ հունիսի 22-ին ելույթ ունենալով խորհրդարանում՝ Վրաստանի վարչապետ Իրակլի Ղարիբաշվիլին ասել է, որ Վրաստանը կոռուպցիայի դեմ պայքարում առաջատար երկրներից է։
Ըստ TI-ի՝ «իշխող կուսակցության հիմնադիր Բիձինա Իվանիշվիլիի ազդեցությունը տեղավորվում է առանցքային ինստիտուտների պետական զավթման սահմանման մեջ՝ չնայած այն բանին, որ Իվանիշվիլին պաշտոնապես հեռացել է քաղաքականությունից»։
«Վարչապետն այս անգամ էլ նշում էր Թրանսփարենսի Ինթերնեշնլ ընկալման ինդեքսի (CPI) 2021 թվականի տվյալները։ Նա ասաց, որ CPI-ի համաձայն՝ Վրաստանը 2012-ին 51-րդ տեղում էր, իսկ 2021-ին՝ 45-րդ տեղում, սակայն չնշեց, որ հիմնական որոշիչը ինդեքսում ստացված միավորն է», — ասված է TI-ի հայտարարության մեջ:
Հայտարարության համաձայն՝ Վրաստանի դեպքում 2012 թվականից միավորը էապես չի բարելավվել՝ 2012 թվականին երկիրն ուներ 52 միավոր 100 միավորից, իսկ 9 տարի անց՝ 2021 թվականին՝ 55, ինչը վկայում է երկրում հակակոռուպցիոն բարեփոխումների լճացման մասին:
«Օրինակ՝ լավագույն արդյունք ունեցող 10 երկրների միավորները գերազանցում են 80-ը։ Ղարիբաշվիլին ասել է, որ Վրաստանը Ասոցացման եռյակում անվիճելի առաջատարն է Ուկրաինայի և Մոլդովայի համեմատ։ Ըստ CPI-ի, Վրաստանն իսկապես ավելի լավ արդյունք ունի, ինչը մեծապես պայմանավորված է մանր կաշառակերության ցածր մակարդակով։
Սակայն 18 տարի առաջ հաջող հակակոռուպցիոն բարեփոխումներ են իրականացվել և չեն կարող համարվել ներկայիս իշխանության ձեռքբերումը։ CPI-ի գնահատականները ցույց են տալիս, որ նմանատիպ հավակնոտ բարեփոխումներ չեն իրականացվել վերջին 9 տարում: Սակայն, ի տարբերություն Մոլդովայի և Ուկրաինայի, CPI-ն օգտագործում է «պետության գրավում» տերմինը միայն Վրաստանի առնչությամբ, ինչը նույնպես վարչապետը չի նշել», — ասված է TI-ի հայտարարության մեջ:
TI-ը, վերլուծելով 2021 թվականի CPI-ի արդյունքները, ասել է.
«Իշխող կուսակցության հիմնադիր Բիձինա Իվանիշվիլիի ազդեցությունը տեղավորվում է առանցքային ինստիտուտների պետական զավթման սահմանման մեջ, թեև Իվանիշվիլին պաշտոնապես հեռացել է քաղաքականությունից: Նրա կուսակցությունը՝ «Վրացական երազանք»-ը, վերջին տարիներին վերջնականապես զավթել է դատական համակարգի և իրավապահ մարմինների վերահսկողությունը՝ դրանով իսկ փաստացի դադարեցնելով կոռուպցիայի դեմ պայքարի համար անհրաժեշտ քաղաքական թափը»:
