22.04.2026 | 21:01
Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր
ԵՄ առաջնորդները կրկին «քաշելու են Էրդողանի ականջը» Հունաստանի հետ նոր էսկալացիայի պատճառով․ EURACTIV
Քաղաքականություն
22.06.2022 | 23:30
Սպասվում է, որ ԵՄ առաջնորդները կրկին դատապարտելու են Թուրքիայի նոր էսկալացիան Հունաստանի դեմ։ Այս մասին ասվում է ԵՄ առաջիկա գագաթնաժողովի նախագծում։ Փաստաթղթին ծանոթացել է EURACTIV-ը:
«Եվրախորհուրդը խորը մտահոգություն է հայտնում Թուրքիայի կողմից վերջերս կրկնվող գործողությունների և հայտարարությունների առնչությամբ։ Թուրքիան պետք է հարգի ԵՄ անդամ բոլոր երկրների ինքնիշխանությունն ու տարածքային ամբողջականությունը»,- ասված է նախագծում։
Վկայակոչելով իր նախորդ եզրակացությունները և 2021 թվականի մարտի 25-ի հայտարարությունը՝ Եվրոպական խորհուրդը «ակնկալում է, որ Թուրքիան լիովին կհարգի միջազգային իրավունքը՝ թուլացնելով լարվածությունը՝ ի շահ Արևելյան Միջերկրականում կայունության և կայուն բարիդրացիական հարաբերությունների խթանման»։
Թուրքիայի և Հունաստանի միջև հարաբերությունները կրկին լարված եբ։ Աթենքն ասում է, որ Թուրքիան ամեն օր խախտում է իր օդային սահմանը։ Ավելին, միջազգային պայմանագրերին հղումով՝ Անկարան պնդում է հարևան հունական կղզիների ապառազմականացման հարցում՝ հայտարարելով, որ հունական բանակի ներկայությունը սպառնում է երկրի անվտանգությանը։ Մյուս կողմից էլ Հունաստանը պնդում է, որ այնտեղ ռազմական ուժեր են պահպանում, քանի որ Էգեյան ծովի մյուս կողմում Թուրքիան ունի Իզմիրում տեղակայված «Էգեյան բանակը»։
Athens news agency-ի հետ զրույցում էլ մի դիվանագետ ասել է, որ «հավանական չէ, որ Թուրքիան ՆԱՏՕ-ի գագաթնաժողովում կբարձրացնի հունական կղզիների ապառազմականացման հարցը»:
«Եթե դա տեղի ունենա, հունական կողմը, ինչպես միշտ, հանգիստ կբացատրի, որ ՆԱՏՕ-ի գագաթնաժողովը ճիշտ տեղը չէ նման անհեթեթ պնդումներ անելու համար»,- ասել է դիվանագետը։
Էմմա Չոբանյան
