22.11.2024 | 22:17
Հարավային Կորեան հայտնում է, որ ՌԴ-ն ՀՕՊ համակարգեր է փոխանցել ԿԺԴՀ-ին
Ինչո՞ւ է վերանայվում պատերազմի հետևանքով վնասվածք ստացած մի խումբ անձանց հաշմանդամության խումբը․ ՏԵՍԱՆՅՈՒԹ
Հասարակություն
22.06.2022 | 12:02
«Բժշկասոցիալական փորձաքննություն, հաշմանդամության խմբի սահմանում, վերափորձաքննություն։ Ի՞նչ ընթացակարգով և ի՞նչ չափորոշիչներով է իրականացվում փորձաքննությունն ու վերափորձաքննությունը, պատկերը՝ 2020թ․ պատերազմից հետո» թեմայով հրավիրված ասուլիսի ընթացքում Միասնական սոցիալական ծառայության բժշկասոցիալական փորձաքննության և աջակցող միջոցներով ապահովման վարչության պետ Ռիմա Եգանյանը ներկայացրեց, թե ինչու է վերանայվում պատերազմի հետևանքով վնասվածք ստացած մի խումբ անձանց հաշմանդամության խումբը։
Հաշմանադամության սահմանման չափորոշիչները հաստատելու մասին կառավարության որոշման մեջ հստակ նշված է հաշմանդամության սահմանման ժամկետները: Հաշմանադամությունը սահամանվում է 1-ին խմբի դեպքում 2 տարի ժամկետով, 2-րդ և 3-րդ խմբերի դեպքում 1 տարի ժամկետով, հաշմանդամ երեխա կարգավիճակը՝ 2 տարի, 5 տարի, մինչև 18 տարին լրանալը ժամկետներով: Եվ ունենք դեպքեր, երբ հաշմանդամությունը սահմանվում է անժամկետ:
Անդրադառնալով տարբեր մակարդակի անդամահատում ունեցող անձանց բժշկասոցիալական փորձաքնննությանը և նրանց հաշմանդամության խմբի վերանայմանը՝ Եգանյանը նշեց. «Պատերազմից անմիջապես հետո վիրավորում ստացած անձանցից շատերը դեռևս պրոթեզավորված, բուժված վիճակում չէին, դեռևս վերքերը փակված չէին… Շատ դեպքերում երկրորդ խմբի հաշմանադամություն սահմանվեց, որպեսզի մարդիկ մեկ տարվա ընթացքում, օգտվելով վերականգնողական բժշկական օգնությունից, պրոթեզավորումից, կարողանան հասնել այն վիճակի, որը կհամապատասխանի իրենց հիմնական հաշմանդամության խմբին:
Եթե հնարվոր է պրոթեզավորում իրականացնել, դա, ըստ չափորոշիչի, համարվում է հենաշարժական ֆունկցիայի չափավոր խանգարում, ինչը նշանակում է օժանդակ պարագայով շարժվելու կարողություն: Եթե անձը կարողանում է տեղաշարժվել պրոթեզով, դա համապատասխանում է հաշմանդամության 3-րդ խմբին՝ անժամկետ: Իսկ եթե ծայրատն ամբողջությամբ չի վերականգնվել, կան խոցեր, դեռևս այտուցված է, օրգանիզմը դեռևս չի համակերպվել պրոթեզի կրմանը, այս դեպքերում պահպանվել է հաշմանդամության երկրորդ խումբը՝ մեկ տարի ժամկետով. այսպիսի 4-5 դեպք ունենք»,- նշեց Եգանյանը:
Մանրամասները՝ տեսանյութում:
