Ի՞նչ են պայմանավորվել Գրիգորյանն ու Մուստաֆաևը. այսօր սահմանին տեղի է ունեցել նրանց առաջին հանդիպումը․ ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Փաշինյան-Ալիև բրյուսելյան կիրակնօրյա հանդիպումից 24 ժամ էլ չանցած Երևանն ու Բաքուն գրեթե միաժամանակ հրապարակեցին սահմանազատման և սահմանային անվտանգության հարցերով զբաղվող հանձնաժողովների կազմերը: Հայկական կողմից հանձնաժողովը ղեկավարում է փոխվարչապետ Մհեր Գրիգորյանը: Հանձնաժողովի աշխատանքներին մասնակցելու են նաև արտաքին գործերի, պաշտպանության, արդարադատության, տարածքային կառավարման և ենթակառուցվածքների նախարարների տեղակալները, կադաստրի կոմիտեի նախագահի տեղակալը, ներկայացուցիչներ ԱԱԾ-ից և այլ գերատեսչություններից։ Այսօր միջպետական սահմանին տեղի է ունեցել Հայաստանի և Ադրբեջանի փոխվարչապետերի առաջին հանդիպումը։

Ուշագրավ է, որ սահմանազատման հարցերի հայկական հանձնաժողովը բաղկացած է 11 պաշտոնյայից, մինչդեռ ադրբեջանական կողմից ընդգրկել է 23 ներկայացուցիչ: Ադրբեջանի փոխվարչապետից զատ՝ հանձնաժողովի կազմում են նաև Նախիջևանի փոխվարչապետը, փոխնախարարներ, հատուկ ծառայության ներկայացուցիչներ և օկուպացված շրջանների ղեկավարներ: ՔՊ-ական պատգամավոր Արման Եղոյանը հայտարարում է՝ Երևանը հանձնաժողովի կազմում ներառել է այնքան ներկայացուցիչ, որքան բավարար է սահմանազատման աշխատանքների համար։

Հանձնաժողովների կազմերի հրապարակումից շատ չանցած Ալիևը դարձյալ հիշել է «Զանգեզուրի միջանցքի» թեզի մասին։ Ադրբեջանի նախագահն Էրդողանի հետ հեռախոսազրույցում հայտարարել է, թե Բրյուսելում, իբր, պայմանավորվածություն է ձեռք բերվել Հայաստանի սուվերեն տարածքով, այսպես կոչված, «Զանգեզուրի միջանցքի» բացման մասին:

Հայաստանի տարածքում միջանցքային տրամաբանությամբ ճանապարհ կամ տրանսպորտային ուղի չի կարող գործել․ Ալիևին արձագանքելով՝ «Արմենպրես»-ին փոխանցել է ԱԽ քարտուղար Արմեն Գրիգորյանը:

«Տարածաշրջանային կոմունիկացիաների բացման համատեքստում պայմանավորվածությունները վերաբերվել են սահմանային, մաքսային հսկողության, ճանապարհային վճարների գանձման, միջազգային տարանցման կազմակերպման հարցերին: Սրանք կարևոր հարցեր են «Հայկական խաչմերուկ» նախագծի իրագործման համար, և Հայաստանի կառավարությունը հետևողականորեն շարժվելու է այս ուղղությամբ»,- նշել է ԱԽ քարտուղարը։

Խորհրդարանական ընդդիմությունը շարունակում է չկիսել իշխանության վարած արտաքին քաղաքականությունն ու Արցախյան հարցի կարգավորման շուրջ մոտեցումները: Նրանք այսօր, ի նշան բողոքի, շրջափակել էին Հայաստանի Արտաքին գործերի նախարարության շենքը՝ քննադատելով Շառլ Միշելի վերջին հայտարարության շեշտադրումները:

Հիշեցնենք՝ Շառլ Միշելը կիրակի տեղի ունեցած հանդիպումից հետո հայտնել էր, թե Փաշինյանին ու Ալիևին առաջարկել է «անդրադարձ կատարել նաև Ղարաբաղի էթնիկ հայ բնակչության իրավունքներին ու անվտանգությանը»: Երևանում խորհրդարանական և արտախորհրդարանական ընդդիմադիր ուժերի ներկայացուցիչները պնդում են՝ Փաշինյանն Արցախի կարգավիճակի հարցում հետքայլի ազդակներ է փոխանցել, ինչով էլ պայմանավորված է Միշելի հայտարարությունը:

Լևոն Տեր-Պետրոսյանի թիմակից, ՀԱԿ փոխնախագահ Լևոն Զուրաբյանը Միշելի հայտարարությունը վերլուծելով՝ պնդում է, որ Հայաստանը Բրյուսելում հրաժարվել է Լեռնային Ղարաբաղի ժողովրդի ինքնորոշման իրավունքի աջակցումից։

Նիկոլ Փաշինյանի թիմակից Արման Եղոյանը, սակայն, հակադարձում է՝ Արցախի կարգավիճակի հարցն անորոշ վիճակում է:

Ուշագրավ է, որ Հայաստանի Արտաքին գործերի նախարարությունը որևէ կերպ չի արձագանքել Արցախի կարգավիճակի վերաբերյալ նշաձողն իջեցնելու շուրջ ընդդիմության քննադատություններին:

Իսկ ահա Նիկոլ Փաշինյանն ԱՄՆ պետքարտուղար Բլինքենի հետ հեռախոսազրույցում նշել է՝ Ալիևի հետ հանդիպումից հետո հնչել են քննարկումների բովանդակության հետ կապ չունեցող մեկնաբանություններ:

Մանրամասները՝ տեսանյութում։

Նարեկ Կիրակոսյան