26.04.2024 | 22:24
Փաշինյանին ուղեկցող մեքենայի կողմից հղի կնոջը վրաերթի ենթարկելուց 2 տարի անց որևէ մեկը չի պատժվել. ՏԵՍԱՆՅՈՒԹ
Բլինքենը պատմել է, որ ժամանակին Ռուսաստանին հրավիրել են ՆԱՏՕ, սակայն Մոսկվան հրաժարվել է
Քաղաքականություն
20.05.2022 | 14:49
ԱՄՆ պետքարտուղար Էնթոնի Բլինքենը պատմել է, որ 1990-ականներին քննարկվել է Ռուսաստանին ՆԱՏՕ հրավիրելու գաղափարը, սակայն Ռուսաստանն ինքն է հրաժարվել, գրում է BBC-ի ռուսական ծառայությունը։
«Ռուսները որոշեցին, որ դա անել չեն ցանկանում»,- ասել է Բլինքենը The Late Show with Stephen Colbert հաղորդման եթերում։ Այդպիսով՝ Բլինքենը պատասխանել է Ռուսաստանին ՆԱՏՕ հրավիրելու՝ Քոլբերթի հումորային առաջարկին։
Նա նաև նշել է, որ ՆԱՏՕ-ն պաշտպանողական դաշինք է, որի երկրները միավորվել են հանուն վստահության, որ «եթե որևէ մեկը հարձակվի, մյուսները կգան և կօգնեն պաշտպանել այս երկիրը»։
«Դաշինքը չունի Ռուսաստանի դեմ ագրեսիվ մտադրություններ։ Այն երբեք չի հարձակվել Ռուսաստանի վրա, չի հարձակվելու Ռուսաստանի վրա, չի պատրաստվում հարձակվել Ռուսաստանի վրա»,- ընդգծել է ԱՄՆ պետքարտուղարը։
ՌԴ նախագահ Վլադիմիր Պուտինն էլ ավելի վաղ պնդում էր, որ ԱՄՆ-ն է հրաժարվել Ռուսաստանին թողնել ՆԱՏՕ։ 2017 թվականին Պուտինն ամերիկացի ռեժիսոր Օլիվեր Սթոունի հետ հարցազրույցում ասել էր, որ առաջարկել է ԱՄՆ նախագահ Բիլ Քլինթոնին՝ մտածել ՆԱՏՕ-ին Ռուսաստանի անդամակցության մասին։
«Ես քննարկման ժամանակ ասացի՝ միգուցե դիտարկենք այն տարբերակը, որ Ռուսաստանը կարող է մտնել ՆԱՏՕ»,- ասել էր Պուտինը։
Նրա խոսքով՝ Քլինթոնը պատասխանել է, որ դեմ չէ, որից հետո ամերիկյան ամբողջ պատվիրակությունը նյարդայնացել է։ Այս տարվա փետրվարին Պուտինը կրկին ներկայացրել էր պատմությունը՝ այս անգամ նշելով, որ «իր հարցին արձագանքը շատ զուսպ է եղել»։
Բիլ Քլինթոնն իր հերթին ապրիլին պատմել էր, որ ԱՄՆ-ը Ռուսաստանին ՆԱՏՕ-ին անդամակցելու հնարավորություն է առաջարկել։
«ՆԱՏՕ-ի դռները բաց էինք պահում Ռուսաստանի մուտքի համար, որի մասին ես հստակ ասել եմ Ելցինին, հետո էլ նրա իրավահաջորդին՝ Վլադիմիր Պուտինին»,- գրել էր Քլինթոնը The Atlantic ամսագրում հրապարակված հոդվածում։
Էմմա Չոբանյան
