01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
«Հայաստան» խմբակցության պատգամավոր Արթուր Խաչատրյանը պնդում է՝ իրեն բերման են ենթարկել, ոստիկանությունը՝ հերքում
Հասարակություն
26.04.2024 | 20:09
«Հայաստան» խմբակցության պատգամավոր Արթուր Խաչատրյանին ոստիկանները քաշքշելով բերման են ենթարկել Երևան-Հրազդան մայրուղուց, տեղեկությունը Factor.am-ի հետ զրույցում հայտնեց պատգամավորը։
«Մարդու կամքին հակառակ, ուժ գործադրելով նստացրել են ոստիկանության մեքենան և բերել են բաժին, բա դա ի՞նչ է, եթե ոչ բերման ենթարկել», – ասաց պատգամավորը։
ՆԳՆ ոստիկանության բաժնից, սակայն, Factor.am-ի հետ զրույցում հայտնեցին, որ Արթուր Խաչատրյանը բերման չի ենթարկվել։
Այդուհանդերձ, լրատվամիջոցներում տարածված տեսանյութում երևում է, որ ոստիկաններն Արթուր Խաչատրյանին բերում են ոստիկանության մեքենայի մոտ և մեքենայի դուռը բացում։ Թե ինչ է տեղի ունենում հետո՝ տեսանյութում չի երևում։
Միջադեպը տեղի է ունեցել այսօր Երևան- Հրազդան ճանապահահատվածին, որտեղ մի խումբ քաղաքացիներ որոշ ժամանակով փակել էին ճանապարհը՝ իրենց բողոքն արտահայտելով սահմանազատման հետ կապված իշխանությունների որդեգած քաղաքականության դեմ։
Մանյա Պողոսյան
