Ամերիկյան համալսարաններում հակաիսրայելական բողոքի ցույցեր են

Գազայում Իսրայելի գործողությունների դեմ լայնածավալ բողոքի ցույցերը շարունակվում են ամերիկյան համալսարաններում։ Ցուցարարները պահանջում են, որ համալսարանները դադարեցնեն նվիրատվություններ ընդունել պաշտպանական և այլ ընկերություններից, որոնք բիզնես են վարում Իսրայելի հետ, գրում է BBC-ի ռուսական ծառայությունները:

Անցած շաբաթվա ընթացքում ոստիկանությունը պաղեստինամետ ցույցերի ժամանակ ձերբակալել է ավելի քան 500 մարդու։
Բողոքի ակցիաները լուրջ մարտահրավեր են համալսարանների ադմինիստրատորների համար, ովքեր փորձում են պահպանել ակադեմիական ազատ բանավեճը և կանխել ատելության հրահրումը:

Գազայում Իսրայելի գործողությունների և խոսքի ազատության շուրջ թեժ բանավեճեր են եղել ԱՄՆ-ի համալսարաններում հոկտեմբերի 7-ին Իսրայելի վրա ՀԱՄԱՍ-ի հարձակումից հետո: Այդ ժամանակից ի վեր, ըստ ուսանողների, ավելացել են հակասեմականության և իսլամատյացության դեպքերը: Բողոքի լայնածավալ ցույցերը վերջին օրերին ակտիվացել են և այժմ տարածվում են ավելի ու ավելի շատ համալսարաններում:

Բողոքի ցույցերն ուշադրության կենտրոնում են հայտնվել անցյալ շաբաթ այն բանից հետո, երբ Կոլումիբիայի համալասարանում ստիպված են եղել ոստիկանություն կանչել, ձերբակալվել է ավելի քան 100 ցուցարար։ Այդ օրվանից բողոքի ցույցերի ու նստացույցերի աշխարհագրությունն ընդլայնվել է, ուսանողների ակցիաներ են անցկացվում Նյու Յորքի, Յեյլի, Կոլումբիայի, Հարվարդի, Կալիֆորնիայի, Բերքլիի, Միչիգանի, Թաֆթսի համալսարաններում, Մասաչուսեթսի տեխնոլոգիական ինստիտուտում և երկրի այլ ուսումնական հաստատություններում:

Բուհերում ցուցարարները վրանային ճամբարներ են ստեղծել և նստացույցեր են անցկացնում։ Համալսարանների ղեկավարությունը բողոքի ցույցերն անօրինական է համարում և պահանջում է ուսանողներից ցրվել։ Որոշ դեպքերում օգնության է կանչվում ոստիկանությունը։ Ոստիկանները ցրում են վրանային ճամբարները և բերման ենթարկում ցուցարարներին։

Վերջին մի քանի օրվա ընթացքում հարյուրավոր ուսանող-ակտիվիստներ բերման են ենթարկվել տարբեր համալսարաններում, ընդհանուր առմամբ, առնվազն 550 մարդ, հայտնում է Reuters-ը: Նրանց բոլորին ծանուցումներ են տրվել, իսկ հետո ազատ արձակել:

Այնուամենայնիվ, եղել են նաև ցույցերը բռնի ցրելու դեպքեր՝ օգտագործելով արցունքաբեր գազ, գրանցվել են նաև բախումներ ոստիկանների և ակտիվիստների միջև։