14.04.2026 | 12:10
22 վագոն ադրբեջանական դիզվառելիք է գալիս ՀՀ // Զորակոչից խուսափողների վերաբերյալ նախագիծը չընդունվեց․ ԼՈՒՐԵՐ
Մեքենաների մեջից լսվող երաժշտությունը նախ պետք է կարգավորվի օրենքով, մինչև որ դառնա մտածելակերպ. Սասուն Սահակյան. ՏԵՍԱՆՅՈՒԹ
Հաղորդաշարեր
14.12.2024 | 19:00
«Չէի պատկերացնի, որ արտասահմանյան հիթերի հայերեն cover տարբերակների իմ կատարումները նման լայն արձագանք կգտնեին սոցցանցերում: Ի դեպ, մենք ևս հայկական երգարվեստում ունենք այնպիսի երգեր, որոնք արժանի են, որ թարգմանվեն այլ լեզվով և cover տարբերակով ներկայացվեն արտերկրում»,- Factor TV-ի հետ զրույցում նշում է երգիչ Սասուն Սահակյանը:
Նրա խոսքով` երիտասարդ կատարողների համար ներկայանալու համար մեկ հարթակը հենց սոցիալական ցանցերն են. «Ավելի լավ է ինձ լսեն մեքենաների մեջ ու սրճարաններում, ռեստորաններում, քան իմ երգերը հնչեցնեն թիվիներում: Սոցցանցերն այսօր ավելի մասսայական բնույթ են կրում»: Սասուն Սահակյանն անդրադառնում է նաև պրոդյուսերական դպրոցին, որն այնքան էլ զարգացած չէ Հայաստանում. «Արտերկրում մի երգ ներկայացնելով մարդու կյանքը կարող է փոխվել, Հայաստանում դա դժվար է: Պրոդյուսերական դպրոցը մեզ մոտ ավելի դանդաղ է զարգանում»: Մեր զրուցակիցը տեսակետ է հայտնում նաև Երևանում փողոցային երաժշտության որակի մասին.
«Մեքենաների մեջից լսվող երաժշտությունը նախ պետք է կարգավորվի օրենքով, մինչև որ այդ առումով պատասխանատվություն կրելը դառնա մտածելակերպ: Մենք ֆասթֆուդ երգերի հետևից ենք գնում, լսես`կշտանաս, իսկ Երևանին կոլորիտային երգեր են պետք»:
Մանրամասները`տեսանյութում:
Աննա Բաբաջանյան
