26.06.2026 | 23:30
Հունիսի 29-ին Հայաստանի մի շարք հասցեներում էլեկտրաէներգիայի անջատումներ կլինեն
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Հաղորդաշարեր
15.12.2024 | 21:00
Factor TV-ի A-politic հաղորդաշարի հյուրն է գրող, թատերագետ Անուշ Ասլիբեկյանը, որը նաև 7-րդ և 10-րդ դասարանների «Արվեստ» առարկայի դասագրքերի համահեղինակն է: Նրա կարծիքով՝ նման առարկայի ներմուծումը դպրոցական ծրագիր ճիշտ, թեև ուշացած քայլ է: Արվեստ ճանաչելը, ըստ հաղորդման հյուրի, զարգացնում է քննադատական մտածողությունը, դարձնում նրան պակաս խոցելի մանիպուլյացիաների համար:
Ավագ դպրոցի աշակերտները սովորաբար բաժանում են առարկաները կարևորների (այն առարկաները, որոնցից պետք է քննություն հանձնեն բուհում) և անկարևորների: «Արվեստ», ինչպես նաև «Կերպարվեստ» և «Երաժշտություն» առարկաների հարցում թատերագետը հարցի լուծումը տեսնում է նրանում, որ այդ առարկաները պետք է այս կամ ձևով դասավանդվեն հնարավորինս վաղ տարիքից, որպեսզի դրանք դառնան օդ ու ջրի պես անհրաժեշտ:
Երկար տարիներ դասավանդելով Երևանի թատրոնի և կինոյի պետական ինստիտուտում՝ Անուշ Ասլիբեկյանը նկատում է, որ տարեցտարի ռեժիսոր կամ դերասան դառնալու ցանկություն ունեցող երիտասարդների գիտելիքների պաշարը նվազում է՝ չնայած, միաժամանակ, ավելանում է ամեն ինչի մասին սեփական դատողություններն արտահայտելու ցանկությունը: Այդ ձգտումը դրական համարելով՝ թատերագետը, այնուամենայնիվ, նշում է նոր սերնդի մոտ տեղեկատվածության պակասը:
Մանրամասները՝ տեսանյութում:
Արամ Աբրահամյան
