21.11.2024 | 23:30
Թուրքիայում ընդդիմադիր քաղաքապետներին դատապարտել են ազատազրկման «ահաբեկչության» մեղադրանքով
Կոյուղաջրերը տուն են լցվում, առնետները մինչև վերջին հարկեր հասնում․ շուրջ 20 տարի չլուծվող խնդիր. ՏԵՍԱՆՅՈՒԹ
Հասարակություն
26.04.2024 | 20:02
Երևանի Փափազյան 21/1 շենքի բնակիչներն արդեն 20 տարուց ավելի փորձում են լուծում գտնել իրենց բակով անցնող կոյուղատարի խնդրին, բայց անօգուտ։ Պատմում են՝ գրեթե ամեն շաբաթ ստիպված են դիմել «Վեոլիա ջուր» ընկերություն, որ կոյուղին մաքրվի։
Թեև համատիրությունը, ըստ բնակիչների, պնդում է՝ կոյուղատարը բարվոք վիճակում է, սակայն խնդիրն անհանգստացնում է հատկապես շենքի առաջին հարկի բնակիչներին։ Փիրուզ Բրսիկյանն ասում է՝ չես կարող իմանալ, թե բնակարանդ որ պահին կոյուղաջրով կլցվի։
Բակում առաջացած փոսերի պատճառով էլ շենքի մուտքում առնետներ են հայտնվում։ Բնակիչները փորձում են շինաղբով փակել այդ փոսերը, բայց դա էլ օգուտ չի տալիս։ Անաիդա Ղազարյանն էլ ասում է՝ փոս փակելը հարցի լուծում չէ, պետք է հասկանալ, թե ինչ իրավիճակ է կոյուղագծում։
Ասում են՝ ոչ մի կառույցից չեն կարողանում պատասխան ստանալ, թե երբ իրենց խնդրին լուծում կտրվի։ Բնակիչներն անգամ կասկածում են, որ կոյուղին առհասարակ խողովակով չի անցնում։
«Վեոլիա ջուր» ընկերության հասարակայնության հետ կապերի բաժնի աշխատակից Կարինե Կարապետյանը Factor TV-ին փոխանցեց՝ կոյուղին աշխատանքային բնականոն վիճակում է, սակայն խողովակի մի հատված անցնում է ավտոտնակների և շինությունների տարածքով։
Շենքի բնակիչները նշում են՝ հոգնել են տարիներ շարունակ հակասանիտարական պայմաններում ապրելուց և խնդրի լուծման հարցում պատասխան չստանալուց։
Մանրամասները՝ տեսանյութում։
Անի Թամրազյան
